Kirit Somaiya on Nawab Malik | नवाब मलिकांप्रमाणे उद्धव ठाकरेंचेही दाऊद गँगशी संबंध आहेत का? - सोमय्या | Sakal
sakal

बोलून बातमी शोधा

Kirit Somaiya on Pratap Sarnaik
नवाब मलिकांप्रमाणे उद्धव ठाकरेंचेही दाऊद गँगशी संबंध आहेत का? - सोमय्या

नवाब मलिकांप्रमाणे उद्धव ठाकरेंचेही दाऊद गँगशी संंबंध आहेत का? - सोमय्या

मंत्री नवाब मलिक सध्या कारागृहात आहेत. मलिकांचे दाऊदशी थेट संबंध असल्याचं सकृतदर्शनी पुराव्यातून समोर आलं आहे, असं निरीक्षण न्यायालयाने नोंदवलं. त्यानंतर आता किरीट सोमय्या यांनी या विषयी प्रतिक्रिया दिली आहे. मलिक हे दाऊद गँगचे सदस्य आहेत हे सिद्ध झालं, पण उद्धव ठाकरेंचेही त्याच्याशी संबंध आहेत का? असा सवालही सोमय्यांनी उपस्थित केला आहे. (Kirit Somaiya on Nawab malik and Dawood Connection)

हेही वाचा: 'दाऊद इब्राहिमने फोन केल्याने मलिकांचा राजीनामा नाही'

नवाब मलिकांच्या विषयावर किरीट सोमय्यांनी माध्यमांशी संवाद साधला. ते म्हणाले, "मलिक दाऊद गँगचे सदस्य हे सिद्ध झालं. पण आता चिंता महाराष्ट्राला ही आहे की जेलमध्ये गेल्यावर नवाब मलिकांना आपल्या मंत्रिमंडळात कायम ठेवणाऱ्या उद्धव ठाकरेंचेही दाऊदशी संबंध निर्माण झाले आहेत का? याबद्दल ठाकरेंनीच स्पष्टता करावी. बाळासाहेब ठाकरेंनी अनेकदा म्हटलं की शरद पवारांचे दाऊदशी संबंध आहेत. पण मुख्यमंत्रिपद वाचवण्यासाठी उद्धव ठाकरेंनी शरद पवारांशी भागीदारी केली आणि आता शरद पवारांचे पार्टनर दाऊदशी पण भागीदारी केली. कोट्यवधींची मालमत्ता फक्त लाखांत कशी घेतली? आता न्यायालय सांगतंय की, नवाब मलिक म्हणजे दाऊद. असं असेल तर उद्धव ठाकरे, या शरद पवारांसोबत न्यायालयाविरोधात रस्त्यावर. असंही तुमचे प्रवक्ते न्यायालयाविरोधात बोलत असतात".

हेही वाचा: नवाब मलिकांचे दाऊदशी संबंध; मनी लाँडरिंगप्रकरणात कोर्टाचं निरीक्षण

किरीट सोमय्यांनी या प्रकरणी उद्धव ठाकरेंवरही आरोप केले आहेत. ते म्हणाले, "उद्धव ठाकरेंना हा सगळा खंडणीचा प्रकार माहित होता.ठाकरे बिल्डर आहेत, त्यांचा मुलगा बिल्डर आहे. त्यांना या भागाचा दर माहित आहे. गोवावाला कम्पाऊंड तर मातोश्रीपासून जवळच आहे. काही लाखांत एवढी मोठी प्रॉपर्टी कशी घेता आली? उद्धव ठाकरेंचे एजंट यशवंत जाधवांनी (Yashwant Jadhav) खूप जुन्या प्रॉपर्टी विकत घेतल्यात मग नवाब मलिकांनी लाखांत प्रॉपर्टी घेतली यात काय विशेष?"

बाळासाहेबांचे (Balasaheb Thackeray) विचार उद्धव ठाकरेंनी गहाण ठेवल्याचा आरोप करत सोमय्या म्हणाले, "मी स्टेजवर बसून बाळासाहेबांची भाषणं ऐकलीयेत. दाऊद शरद पवारांचा माणूस आहे, ते दोघे एकाच विमानातून गेले. पण मुख्यमंत्री पदासाठी त्यांच्या मुलाने वडिलांचे विचारच गहाण ठेवले, हे फक्त उद्धव ठाकरेच करू शकतात. नवाब मलिक आणि ठाकरे सरकारला आता शिक्षा जनताच देणार".

Web Title: Kirit Somaiya On Nawab Malik And Dawood Connection Ed Action

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top