किशोरी पेडणेकरांना अश्लील भाषेत धमकी; बंद लिफाफ्यातून पत्र

शिवसेना नेत्या आणि मुंबई महापालिकेच्या माजी महापौर किशोरी पेडणेकरांना धमकीचे पत्र आले आहे. या पत्रात अश्लील भाषेत शिवीगाळ करण्यासह जिवे मारण्याची धमकी देण्यात आली आहे. हे पत्र विजेंद्र म्हात्रे या नावाच्या व्यक्तीने बंद लिफाफ्यातून पाठवले आहे. या पत्रात त्यांनी पेडणकर यांना जीवेमारण्याची धमकी दिली आहे. घटनेमुळे राजकीय वर्तुळात खळबळ पसरली आहे. (Kishori Pednekar Received Threat Letter)

पत्र लिहणाऱ्याने सध्याच्या राजकीय परिस्थितीवर भाष्य करत अश्लील भाषा वापरली आहे. यात त्याने किशोरी पेडणेकर यांच्यावर टीका केली आहे. (maharashtra politics) पत्र लिहणाऱ्या व्यक्तीने जीवे मारण्याची धमकीही दिली आहे. या पत्रात उपमुख्यमंत्री अजित पवार आणि मुख्यमंत्री उद्धव ठाकरे यांच्यासह पेडणेकर यांचा उल्लेख आहे. या पत्रामुळे सध्या राजकीय वातावरणात चर्चांना उधाण आलं आहे. (Kishori Pednekar News)

दरम्यान, सध्याचे महाराष्ट्रातील राजकीय वातावरण तापलं आहे. दररोज घडणाऱ्या घडामोडींमुळे चर्चांना ऊत आला आहे. सुरुवातीपासून यापासून अनभिज्ञ आहोत असे सांगणाऱ्या भाजपने आता एंट्री केल्याने हालचालींना वेग आला आहे. शिवसेनेत मोठी फूट पडली असून पर्यायाने सरकार पडणार, हे स्पष्ट झालं आहे. त्यामुळं देवेंद्र फडणवीस पुन्हा सिंहासन संपादन करणार असल्याचं चित्र आहे. याचदरम्यान आता पेडणेकर यांना आलेल्या या पत्रामुळे राजकीय वर्तुळात चर्चांना ऊत आला आहे.