सकाळ वृत्तसेवा
मुंबई : उपनगरी रेल्वेतील दिव्यांग डब्यात अंध महिलेला काही धडधाकट प्रवाशांनी मारहाण केल्याचा व्हिडिओ समाजमाध्यमांवर व्हायरल झाल्यानंतर प्रवासी संघटनांनी तीव्र संताप व्यक्त केला आहे. हा प्रकार समोर आल्यानंतर दिव्यांग प्रवाशांच्या सुरक्षिततेबाबत प्रश्नचिन्ह निर्माण झाले असून, राखीव डब्यांमध्ये घुसखोरीमुळे दिव्यांग प्रवाशांचे हाल सुरूच असल्याची टीका प्रवासी संघटनांनी केली आहे.