महाराष्ट्र लोकसेवा आयोगाने नोव्हेंबर महिन्यातील दोन परीक्षाही पुढे ढकलल्या

मुंबई : मराठा आरक्षणाच्या पार्श्‍वभूमीवर राज्य सेवा परीक्षा पुढे ढकल्यानंतर आता महाराष्ट्र लोकसेवा आयोगाने नोव्हेंबर महिन्यातील दोन परीक्षाही पुढे ढकलल्या आहेत. 1 नोव्हेंबर आणि 22 नोव्हेंबर या दोन दिवशी आयोजित केलेल्या परीक्षा लांबणीवर गेल्या आहेत.

या परीक्षांचे वेळापत्रक यथावकाश जाहीर करण्यात येईल, असे एमपीएससीने स्पष्ट केले आहे.

महत्त्वाची बातमी : अनिल परब यांना तातडीने लिलावतीमध्ये हलवलं, मुख्यमंत्र्यांनी रद्द केली मातोश्रीवरील बैठक

सर्वोच्च न्यायालयाने मराठा आराक्षणाबाबत दिलेल्या निर्णयानंतर मराठा संघटनांनी राज्य सेवा परीक्षा न घेण्याचा इशारा दिला होता. त्यानुसार ही परीक्षा पुढे ढकलण्यात आली आहे. या परीक्षेनंतर आयोगाने 1 नोव्हेंबर आणि 22 नोव्हेंबर रोजी आयोजित केलेली महाराष्ट्र अभियांत्रिकी सेवा पूर्व परीक्षा 2020 आणि महाराष्ट्र दुय्यम सेवा अराजपत्रित गट ब संयुक्त पुर्व परीक्षा 2020 पुढे ढकलली आहे.

महत्त्वाची बातमी :  "राज्यपाल पदावर बसलेल्या व्यतीच्या वागण्यावर खेद वाटतो"; शरद पवारांचं थेट मोदींना पत्र

या परीक्षांच्या सुधारित तारखा यथावकाश जाहीर करण्यात येतील, असे आयोगाने प्रसिद्धीपत्रकाद्वारे कळविले आहे.

(संकलन - सुमित बागुल )

Maharashtra Public Service Commission postponed two examinations in November