मुंबई: राज्यातील 18 वर्षांवरील सर्वांच्या लसीकरणासाठीचा आराखडा राज्य सरकारने आणखी श्रेयवादाचा गोंधळ न घालता सादर करावा आणि त्याची कार्यवाही त्वरेने करावी, अशी मागणी भाजप आमदार अतुल भातखळकर यांनी केली आहे.
राज्यात 18 वर्षांवरील सर्वांना कोरोनावरील लस निःशुल्क देण्याचे सरकारने जाहीर केले असले तरी त्याबाबत अद्यापही संदिग्धता आहे. राज्य सरकारचे मंत्रीच यासंदर्भात उलटसुलट विधाने करीत असल्याने गोंधळात गोंधळ हेच या सरकारचे वैशिष्ट्य आहे हे पुन्हा एकदा सिद्ध झाल्याचा टोलाही भातखळकर यांनी यासंदर्भात लगावला आहे.
राज्य सरकारमधील घटकपक्षाच्या नेत्यांनी 18 वर्षांवरील नागरिकांच्या लसीकरणावरून जो गोंधळ घातला आहे तो अत्यंत किळसवाणा आहे. या नेत्यांकडून या निर्णयाचे श्रेय घेण्याचा जो प्रयत्न सुरु आहे, त्यामुळे कोणाचीही मान शरमेने खाली जाईल, अशी टीकाही भातखळकर यांनी केली आहे.
18 वर्षांवरील सर्वांना मोफत लस द्या ही मागणी सर्वप्रथम भारतीय जनता पक्षाने केली होती. आता आणखी गोंधळ न घालता सरकारने हा निर्णय त्वरेने जाहीर करावा. कारण एकीकडे 18 वर्षांवरील सर्वांना लस मिळेल अशी घोषणा उपमुख्यमंत्री अजित पवार करतात, सरकारने असा निर्णय घेतल्याची माहिती अल्पसंख्यांक खात्याचे मंत्री नबाब मलिक देतात आणि युवराज (आदित्य ठाकरे) देखील याबाबत प्रथम ट्वीट करून नंतर ते डिलीट करतात. यावरून गोंधळात गोंधळ हेच राज्य सरकारचे वैशिष्ट्य असल्याचे पुन्हा एकदा सिद्ध झाले आहे. त्यामुळे सर्वांच्या मोफत लसीकरणाचा प्लान सरकारने जाहीर करावा आणि 1 मे पासून 18 वर्षांवरील नागरिकांच्या निःशुल्क लसीकरणाला सुरुवात करावी, असेही आवाहन भातखळकर यांनी केले आहे.
-----------------------------
(संपादन- पूजा विचारे)
make plan for vaccination atul bhatkhalkar demand state government
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
