सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
मुंबई : प्लाझ्मा थेरपी कोरोना रुग्णांसाठी प्रभावी ठरत असल्याने कोरोनामुक्त झालेल्या नागरिकांनी प्लाझ्मा दान करण्यासाठी पुढे यावे असे आवाहन करण्यात आले आहे. गणेशोत्सवादरम्यान अनेक ठिकाणी रक्तदान आणि प्लाझ्मा दान शिबिरांचे आयोजन करण्यात आले होते. प्लाझ्मा दान करण्यामध्ये पुरूषांचे प्रमाण जास्त असले तरी प्लाझ्मा दानासाठी महिलाही मोठ्या प्रमाणात इच्छुक असल्याचे चित्र आहे. आतापर्यंत झालेल्या एकूण प्लाझ्मा दानात महिलांचे प्रमाण 25 टक्के आहे. शिवाय, सार्वजनिक रक्तदानाच्या शिबिरांमध्ये ही प्लाझ्मा दानासाठी महिला इच्छुक असल्याची माहिती मिळत आहे.
गणेशोत्सवात रक्तदान शिबिरे आणि प्लाझ्मा दान शिबिरे मोठ्या संख्येने भरवली गेली. त्यापैकी मुंबईतील माहुल येथील श्री गणेशोत्सव मंडळाने रविवारी रक्तदान शिबीर आयोजित केले होते. या वेळी 83 बाटल्या रक्तदान करण्यात आल्याचे मंडळ अध्यक्ष राजेंद्र माहुलकर यांनी सांगितले. मात्र या वेळी बहुतांश महिलांनी प्लाझ्मा दान करण्याची इच्छा व्यक्त केल्याचे रक्तदान शिबीर दरम्यान कर्तव्यावर असलेल्या सायन रुग्णालयाच्या ज्येष्ठ परिचारिका मीनाक्षी गायकवाड यांनी सांगितले.
तर एकूण शिबिरात रक्तदानासह प्लाझ्मा दानासाठीही महिलांकडून उत्साहाने इच्छा व्यक्त होत असल्याचे मंडळाचे अनंता भंडारी आणि महेश कोळी यांनी सांगितले. प्लाझ्मा दानात महिलांच्या सहभागाबाबत बोलताना नायर हॉस्पिटलचे निवासी डॉक्टर डॉ. विशाल रख यांनी सांगितले की, सुमारे 150 जणांनी प्लाझ्मा दान केले असून यात 25 ते 30 महिलांनी प्लाझ्मा दान केले आहे. ही आकडेवारी उल्लेखनीय असून इच्छुक महिलांनी नक्की प्लाझ्मा दान करावे असे आवाहनही डॉ. विशाल रख यांनी केले आहे.
महिला ही प्लाझ्मा दान करू शकतात. हे ऐच्छिक दान असून आम्ही समुपदेशन आणि संवाद साधून दानासाठी आवाहन करत आहोत. मात्र, कोव्हिड पश्चात आरोग्य पाहून प्लाझ्मा दान स्वीकारले जाते. यासाठी अँटिबॉडीजची पातळी आवर्जून पाहिली जात आहे.
-डॉ. रमेश भारमल, संचालक, प्रमुख पालिका हॉस्पिटल.
---
संपादन ः ऋषिराज तायडे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.