तीन सिलिंडर बाहेर काढल्याने महाभयंकर अनर्थ टळला, पण पहिल्या ब्लास्टमध्ये मालक गेला

उल्हासनगर शहरातील कॅम्प नंबर 4 मध्ये प्रसिद्ध असलेल्या वडापाव आणि भजीच्या दुकानात भीषण सिलिंडर स्फोट झाला. या स्फोटामध्ये दुकान मालक ठार तर एकूण 11 जण गंभीररीत्या  होरपळल्याची घटना आज दुपारच्या सुमारास उल्हासनगरात घडली. सुदैवाची बाब एवढीच की दुकानातील तीन सिलेंडर सुरक्षित राहिल्याने पुढे होणारा महाभयंकर अनर्थ  टळला आहे.

उल्हासनगर 25 सेक्शन मधील पारसडेअरी जवळ आणि महावीर हॉस्पिटल समोर व्हीनस चौकात 'जय माता दी'  नामक दुकान आहे  हा वडापाव, भजीवाला पप्पू भाजियावाला या नावाने प्रसिद्ध आहे. 

मोठी बातमी - मुंबईकरांनो सावधान ! पुढचा आठवडाभर मुंबईत पुन्हा धुवाधार

लॉकडाऊन आणि कोरोनामुळे आयुक्त डॉ. राजा दयानिधी यांनी खाद्यपदार्थ पार्सल देण्याची परवानगी दिलेली आहे. त्यानुसार ग्राहकांना वडापाव, बटाटा भजी, कांदा भजी पार्सल देण्याचे काम सुरू असतानाच दुकानातील सिलिंडरचा स्फोट झाला. त्यात रविंद्र उर्फ पप्पू गुप्ता हा दुकान मालक जागीच ठार झाला. तर आतमध्ये काम करणारे कारागीर आणि  बाहेर उभे असलेले ग्राहक असे 11 जण होरपळले आहेत.

मोठी बातमी - अंतराळ तंत्रज्ञानाबाबत कल्याणच्या विद्यार्थ्यांचा 'नासा'च्या शास्त्रज्ञांशी संवाद!

स्फोटाची माहिती समजताच पालिकेचे सहाय्यक आयुक्त गणेश शिंपी, अग्निशमन दलाचे अधिकारी बाळू नेटके यांनी आग आटोक्यात आणून दोन सिलेंडर बाहेर काढले. त्यामुळेच पुढे होणारा महाभयंकर अनर्थ टळला. होरपळलेल्या 11 जणांना शासकीय व खाजगी रुग्णालयात दाखल करण्यात आले आहे.

( संकलन - सुमित बागुल )

massive explosion in vadapav shop in ulhasnagar killed owner 11 injured