पोलिस कोरोनाबाधित झाल्याने अपुऱ्या मुनष्यबळाअभावी परप्रांतीय मजूर राज्यात अडकले

मुंबई : सहार पोलिस ठाण्यातील 32 पोलिस कर्मचारी कोरोनाग्रस्त झाल्याने तेथे अपुरे मनुष्यबळ आहे. त्यामुळे सुमारे 1870 स्थलांतरित मजुरांनी गावी जाण्यासाठी केलेले अर्ज कार्यवाही विना पडून असल्याची तक्रार आमदार पराग अळवणी यांनी केली आहे.

मोठी बातमी : ठरलं तर! महाराष्ट्रात उद्यापासून लॉकडाऊन-४ सुरु होणार..वाचा काय असेल सुरु आणि काय बंद 

दिनांक 3 मे पासून स्थलांतरित मजूरानी शासनाने आखलेल्या पद्धतीनुसार सहार पोलिस ठाण्याकडे अर्ज सादर करण्यास सुरुवात केली असून आतापर्यंत सुमारे 2000 अर्ज सादर झाले आहेत. मात्र यापैकी जेमतेम 130 अर्ज उपायुक्त, परिमंडळ VIII कडे वर्ग झाले असून इतर सर्व अर्ज अद्याप सहार पोलिस ठाण्यातच पडून आहेत अशी माहिती आमदार पराग अळवणी यांनी दिली. 

हे ही वाचा : एका ट्विटमुळे रेल्वेनं रुग्णासाठी मुंबईहून घरपोच पाठवली 'ही' गोष्ट.. सोलापूरचा कर्करुग्ण गेला भारावून 

सहार पोलिस ठाण्यातील या परिस्थितीबाबत आपण 13 में रोजीच्या पत्राद्वारे वरिष्ठ पोलिस अधिकाऱ्यांना माहिती देऊन अधिक मनुष्यबळ पाठवण्यात यावे अशी मागणी केली होती. मात्र तसे न झाल्याने सदर कामे प्रलंबित असून यामुळे मजूरांवर अन्याय होत आहे तसेच शासनाच्या धोरणास विसंगत आहे असेही पत्रात नमूद केले आहे. विलेपार्ले पोलिसस्थानकातील पोलिस कर्मचारी देखील कोरोनाग्रस्त झाले आहेत. 

migrant workers were stranded in the state due to insufficient manpower due to police corona positive