मुंबई : एनसीबीचे विभागिय संचालक समीर वानखेडे यांच्यासंबंधी केलेले ट्विट मधील कागदपत्रे पडताळणी केली आहे असा दावा आज मंत्री नवाब मलिक यांनी मुंबई उच्च न्यायालयात एक पानी प्रतिज्ञापत्रात केला आहे.
नवाब मलिक यांनी गुरुवारी एक पानी प्रतिज्ञापत्र न्यायालयात सादर केले. त्या प्रतिज्ञापत्रानुसार, मुंबई महानगर पालिकेच्या ई-वॉर्डमधून समीर यांच्या जन्मदाखल्याची सत्यता पडताळली होती. तसेच, समीर यांच्या पहिल्या पत्नीच्या निकटवर्तीय नातेवाईककडून त्या दोघांच्या निकाहनाम्याची प्रत मिळाली आहे, असे स्पष्ट केले आहे. तसेच, मलिक यांनी केलेले आणखी एक ट्वीट हे वानखेडेंच्या कुटुंबीयांच्या सोशल मीडिया खात्यांवरून मिळवले होते, असा पुनरुच्चारही या प्रतिज्ञापत्रात करण्यात आला आहे. सदर याचिकेवर शुक्रवारी सुनावणी पार पडणार आहे.
मलिक यांनी केलेली ट्विट खोटी आहेत हे सिध्द करा असे निर्देश न्यायालयाने ज्ञानदेव वानखेडे यांना दिले आहेत. वानखडे यांनी केलेल्या मानहानीच्या दाव्यावर उद्या सुनावणी होणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.