एक मिनीट लघवीसाठी गेला, अन् कार झाली गायब

ठाणे : सध्याच्या तंत्रज्ञानाच्या जगात सर्वकाही मोबाईलवर उपलब्ध झाले आहे. यातच ओला टॅक्सीचासुद्धा समावेश होतो. आधी टॅक्सीवाल्यांना एखाद्या जागी जाण्यासाठी बऱ्याच विनवण्या कराव्या लागत, मात्र आता ओला सारख्या अॅप्समुळे एका क्लिकवर हवी तिथे टॅक्सी उपल्ब्ध होते. परंतू याच टॅक्सी चालकांना बरेच त्रास देखील सोसावे लागतात. असाच एक ओला चालक रस्त्याकडेला लघवी करण्यासाठी थांबला असताना चोरट्यांनी चक्क त्याची कारच पळवून नेली आहे. यासंबधी शिळडायघर पोलिस ठाण्यात गुन्हा दाखल करण्यात आला आहे. 

हेही वाचा - महामार्गावरील बस थांब्यावर लटकलेला मृतदेह 

मुंबईतील ओला चालक शिळ खर्डी रोडवर लघवी करण्यासाठी थांबला असताना, अज्ञात चोरट्यांनी चालकाच्या नकळत त्याची कार पळवून नेल्याचा प्रकार रविवारी (ता. 16) पहाटे घडला. जयप्रकाश यादव (33) असे चालकाचे नाव असून तो अंधेरीतील कोलडोंगरी येथे वास्तव्यास आहे.

हेही वाचा - प्लास्टिकच्या गोणीत आढळला मृतदेह

जयप्रकाश हा रविवारी पहाटे पावणे पाच वाजण्याच्या सुमारास भाडे सोडून परतत होता. तेव्हा, शिळ खर्डी रोडवरील भारत गिअर कंपनीनजीक यादवने कार रस्त्याकडेला उभी करून लघुशंकेसाठी गेला. परत आल्यानंतर पाहिले तर, चोरट्यांनी त्याची कार पळवली होती. याप्रकरणी, शिळडायघर पोलिस ठाण्यात गुन्हा दाखल केला आहे.  

web title : A minute went by for urination, and the car disappeared