Mira Road killing : पीडितेची ओळख पटली, आरोपीचा धक्कादायक खुलासा! म्हणाला, "वयाच्या फरकामुळे..."

Mira Road killing : मुंबईतील मीरा रोड येथील गीता नगर भागात राहणाऱ्या एका व्यक्तीने आपल्या लिव्ह इन पार्टनरची हत्या करून तिच्या मृतदेहाचे अनेक तुकडे केले. यानंतर आरोपीने कुकरमध्ये शिजवून आणि मिक्सरमध्ये बारीक करून मृतदेहाची विल्हेवाट लावण्याचा प्रयत्न केला. पोलिसांनी आरोपीची आज चौकशी केली आहे.

गुरुवारी अटक करण्यात आलेला आरोपी मनोज रमेश साने (56) हा पोलीस कोठडीत आहे. पोलिसांनी त्याची आज चौकशी केली. यावेळी त्याने पोलिसांना धक्कादायक माहिती दिली आहे.
 
पोलिसांनी पीडितेची ओळख पटवली आहे. तिच्या 3 बहिणींना बोलावून ओळख पटवण्यात आली. मृतदेह कुटुंबीयांच्या ताब्यात देण्याचे काम सुरू आहे. त्यांच्या डीएनएची तपासणी केल्या जात आहे. तसेच तपासात हे लोक विवाहित असल्याचे समोर आले आहे. वयाच्या फरकामुळे त्यांनी इतर कोणालाही लग्नाबाबत सांगितले नाही, अशी माहिती पोलिस उपायुक्त जयंत बजबळे यांनी दिली आहे. (Crime News)

पीडितेच्या तीन बहिणींचे जबाब नोंदवले जात असून, डीएनए चाचणी देखील केली आहे. बहिणी सतत सरस्वतीच्या संपर्कात होत्या, त्यामुळे त्यांची विधाने खूप महत्त्वाची आहेत. फॉरेन्सिक तपासणीनंतर अंत्यसंस्कारासाठी शरीराचे अवयव बहिणींच्या ताब्यात दिले जातील, अशी माहिती देखील जयंत बजबळे यांनी दिली आहे.

न्यायालयाने सानेला 16 जूनपर्यंत पोलीस कोठडी सुनावली :

पोलिसांनी एफआयआरमध्ये आयपीसीच्या कलम 302 (हत्या) आणि 201 (पुरावा नष्ट करणे) अंतर्गत गुन्हा दाखल केला आहे. मीरा-भाईंदर वसई विरार पोलीस डीसीपी जयंत बजबळे म्हणाले, “त्याला ठाण्यातील न्यायालयात हजर करण्यात आले. त्यानंतर न्यायालयाने त्याला 16 जूनपर्यंत पोलीस कोठडी सुनावली.''