'20000 रुपये द्या, मग लॉकडाउन लावा', मनसेचा प्रखर विरोध

राज्याचे मुख्यमंत्री उद्धव ठाकरे यांनी पुन्हा एकदा लॉकडाउन लावण्याचे संकेत दिले आहेत. कोरोना रुग्ण संख्या अशीच वाढत राहिली, तर वैद्यकीय यंत्रणा तो ताण सहन करु शकणार नाही. वैद्यकीय यंत्रणा कोलमडून पडेल, असे कारण लॉकडाउन लावण्यासाठी दिले जात आहे.  मुख्यमंत्री लॉकडाउनसाठी अनुकूल असले, तरी विरोधी पक्षात असलेल्या भाजपा, मनसेने लॉकडाउनच्या विरोधात भूमिका घेतली आहे. राज्य भाजपाने लॉकडाउनला विरोध करण्याची भूमिका घेतली आहे. लॉकडाउन या टप्प्यावर पर्याय नाही. त्यामुळे लॉकडाउनचा विरोध करणार असे राज्य भाजपाचे प्रदेशाध्यक्ष चंद्रकांत पाटील यांनी म्हटले आहे. शिवसेनेसोबत सत्तेत सहभागी असलेली राष्ट्रवादी काँग्रेस सुद्धा लॉकडाउनसाठी अनुकूल नाहीय. 

"लॉकडाउन हा उपाय नसल्याचा आम्ही मुख्यमंत्र्यांकडे आग्रह धरला. त्याऐवजी आपण आणखी आरोग्य सुविधा निर्माण केल्या पाहिजेत" अशी राष्ट्रवादी काँग्रेसने भूमिका मांडल्याचे नवाब मलिक यांनी सांगितले. पण "सध्या ज्या पद्धतीने रुग्ण संख्या वाढतेय, त्यामुळे भविष्यात बेडची कमतरता निर्माण होऊ शकते. त्या दृष्टीने मुख्यमंत्र्यांनी प्रशासनाला तयारी करण्याचे निर्देश दिले आहेत."

...म्हणून दोन वेळा तारीख मिळूनही BMC आयुक्तांनी घेतली नव्हती लस

"लॉकडाउनचा निर्णय अजून झालेला नाही. वेळ अजून हातातून गेलेली नाही. जनतेने शासनाने आखून दिलेल्या नियमांचे काटेकोरपालन करावे, तर लॉकडाउन टाळता येईल" असे नवाब मलिक म्हणाले. 

आठ बँकांच्या खातेदारांनो, १ एप्रिलपासून नियम बदलणार!

मनसेने सुद्धा लॉकडाउनला कडाडून विरोध करण्याचे संकेत दिले आहेत. कारण लॉकडाउनमुळे रुग्ण संख्या कमी होणार असली, तरी लोकांच्या रोजगारावर त्याचा थेट परिणाम होईल. बेरोजगारी वाढू शकते.