Mumbai Crime: ३ पतींनी सोडलं, प्रियकरापासून गर्भवती राहिली, नंतर असं काही गुपित कळलं अन् आईनं ६ महिन्यांच्या लेकराला संपवलं

मुंबई : एचआयव्ही बाधित महिलेने आपल्या अवघ्या सहा महिन्यांच्या बाळाची गळा आवळून हत्या केली. ३१ जुलै रोजी गोवंडीच्या बैगनवाडी झोपडपट्टीत ही धक्कादायक घटना घडली. शिवाजी नगर पोलिसांनी हत्येचा गुन्हा नोंदवत या महिलेस अटक केली..सुलताना खान(४३) असे या महिलेचे नाव असून ती चेंबुरच्या पी. एल. लोखंडे मार्ग येथील गारमेंटमध्ये मजुरी करते. सुलतानाला अलीकडेच आपण एचआयव्हीबाधित आहोत हे समजले. आपल्यामुळे बाळही (हैदर) बाधित असावे, असा संशय तिला होता. प्रत्यक्षात मात्र मृत बाळाला एचआयव्हीची लागण झालेली नव्हती. मृत्यू पश्चात केलेल्या चाचणीतून बाळ एचआयव्ही निगेटिव्ह असल्याचे स्पष्ट झाले, असे पोलीस ठाण्यातून सांगण्यात आले..सभागृहाचे कामकाज स्थगित झाल्यावर खासदार काय करतात?.सुलतानाचे तीन विवाह झाले. मात्र प्रत्येक पतीने तिची साथ सोडली. काही महिन्यांपूर्वी तिचे अन्य एका व्यक्तीसोबत प्रेमसंबंध जुळले. त्यातून ती गरोदर राहिली आणि सहा महिन्यांपूर्वी तिने बाळाला जन्मही दिला. मात्र तिचा प्रियकरही तिला सोडून गेला. त्यामुळे बाळाच्या संगोपनाची जबाबदारी तिच्या एकटीवर पडली. बाळ लहान असल्याने त्यास एकटे सोडून तिला नोकरी करणे शक्य नव्हते..बाळाची तजवीज करून काही दिवसांपूर्वी तिने गारमेंटमध्ये नोकरी सुरू केली. त्यातच तिला एचआयव्हीची लागण झाल्याचे समजले. त्यामुळे ती तणावग्रस्त झाली. बाळालाही या आजाराची लागण झाली असावी, या विचाराने ती आणखी वेडीपिशी झाली. त्याच गर्तेत तिने प्रथम बाळाच्या तोंडावर उशी दाबली, नंतर गळा आवळून त्याची हत्या केली..Ganeshotsav 2025: गणेश मंडळांना दिलासा! महापालिकेचा १५ हजारांचा दंड अखेर रद्द.असा उघड झाला प्रकारबाळाची हत्या केल्यानंतर स्वतः आत्महत्या करण्याच्या विचारात सुलताना चेंबुरच्या गारमेंटमध्ये पोचली..तिथे तिने काही कारण नसताना अन्य महिलेवर हल्ला केला. गारमेंट मालकाने पोलिसांकडे मदत मागितली. तेव्हा गस्तीवरील टिळकनगर पोलिस तेथे पोचले. पोलिसांनी केलेल्या चौकशीत सुलतानाने दुपारी बाळाचीही हत्या केल्याचे सांगितले. खातरजमा करण्यासाठी टिळकनगर पोलिसांनी शिवाजी नगर पोलिसांना ही बाब कळवली. शिवाजी नगर पोलिसांनी सुलतानाचे घर गाठले तेव्हा तिचे बाळ पाळण्यात बेशुद्धावस्थेत आढळले. पोलिसांनी बाळाला राजावाडी रुग्णालयात आणले. तेथील डॉक्टरांनी तपासून बाळाचा मृत्यू झाल्याचे जाहीर केले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.