Mumbai : अखेर २९ दिवसांचा मेगाब्लॉक संपला!  रविवारी ११० लोकल रद्द असल्याने मुंबईकरांचे झाले मेगाहाल !

मुंबई - खार- गोरेगावदरम्यान सहाव्या मार्गिकेच्या कामासाठी २९ दिवसांपासुन सुरु असलेल्या मेगाब्लॉकचा रविवार अखेर संपला आहे.  शेवटचा दिवशी म्हणजे रविवारी पश्चिम रेल्वेने तब्बल ११० लोकल फेऱ्या रद्द करण्यात आल्या होत्या.  त्यामुळे दिवाळीच्या खरेदीसाठी घराबाहेर पडलेल्या प्रवाशांचे मेगाहाल आहे.

पश्चिम रेल्वेवर पाचव्या आणि सहाव्या मार्गिका उभारण्यासाठी ७ ऑक्टोबर ते ५ नोव्हेंबरपर्यंत मेगाब्लॉक घेतला होता. हा ब्लॉक तब्बल २९ दिवस सुरु असल्याने  पश्चिम रेल्वे मार्गावरून प्रवास करणाऱ्या प्रवाशांचे मोठे हाल झाले आहे. मात्र, त्यातून आता प्रवाशांची सुटका झाली आहे.  ह्या ब्लॉकचा रविवार शेवटचा दिवस असल्याने रविवारी दिवसभरात ११० लोकल फेऱ्या रद्द केल्याने प्रवाशांचे मोठे हाल झाले आहे. मात्र, सहाव्या मार्गिकेमुळे पश्चिम रेल्वेची लोकल संख्या वाढणार आहे.

सध्या मुंबईकरांना सहावा मार्ग प्रवासी सेवेत कधी येतो,याची रेल्वेकडून सांगण्यात आलेले नाहीत. परंतु, बांधण्यात आलेल्या सहाव्या मार्गिकेची  पाहणी रेल्वे सुरक्षा आयुक्त सोमवारी ६ नोव्हेंबर रोजी करणार आहे. या पाहणीनंतरच सहावी मार्गिका सुरू करण्याचा निर्णय होईल अशी माहिती पश्चिम रेल्वेच्या वरिष्ठ अधिकाऱ्यांनी दिली आहे.

रविवारी हार्बवसियांचे हाल -

मध्य रेल्वेने रविवारी दिवसा मुख्य मार्गावर मेगाब्लॉक घेतला नव्हता. परंतु,सुट्टीच्या वेळापत्रकानुसार लोकल सेवा धावल्याने  मुख्य मार्गावरून प्रवास करणाऱ्या प्रवाशांना लोकल गर्दीचा सामना करावा लागला आहे. तसेच हार्बर मार्गावर कुर्ला ते  वाशी स्थानकांदरम्यान मेगाब्लॉक घेण्यात आला होता.

या दरम्यान कुर्ला ते पनवेल दरम्यानची लोकल सेवा पुर्णपणे बंद होती. त्यामुळे प्रवाशांना रस्त्या मार्गाने प्रवास करण्याची वेळ आली होती.  विशेष म्हणजे मुख्य मार्ग आणि ट्रान्सहार्बरवर लोकल फेऱ्यांची सांख्य कमी असल्याने अनेक स्थानकात प्रवाशांची गर्दीही दिसून आली होती. त्यामुळे दिवाळी सणानिमित्त घराबाहेर पडलेल्या मुंबईकरांचे हाल झाले आहे.