मुंबईत मलेरिया, डेंग्यू, गॅस्ट्रोचा धोका वाढला ; 7 दिवसांत रुग्ण संख्या दुप्पट

मुंबई : मुंबईत कोरोना नियंत्रणात (corona) आला असला तरी साथीचे आजार (Infectious deceases) डोके वर काढत आहेत. गेल्या 7 दिवसांत मलेरिया (Malaria), डेंग्यू (Dengue), गॅस्ट्रोच्या रुग्ण (Gastro patient) संख्येत दुपटीने वाढ झाली असून 7 ते 14 नोव्हेंबर दरम्यान मलेरियाचे 80, डेंग्यू - 23, गॅस्ट्रो -72 , चिकनगुनीया - 7 तर लेप्टोचे 4 रुग्ण आढळल्याने मुंबईत मलेरिया, डेंग्यू, गॅस्ट्रोचे टेंशन कायम आहे.

गेल्या वर्षभरापासून मुंबईकर कोरोना विरोधात लढा देत आहेत. मुंबईकरांची साथ व योग्य उपचार पद्धती यांमुळे कोरोनाची पहिली व दुसरी लाट रोखण्यात यश आले. तर तिसरी लाट येण्यापूर्वीच परतवण्यात पालिकेला यश आले आहे. परंतु पावसाळ्यात उद्भवणारे साथीच्या आजारांचे संकट आजही कायम आहे. त्यामुळे कोरोनाला हरवण्यासाठी ज्या पद्धतीने खबरदारी घेतली त्याचप्रमाणे साथीच्या आजार रोखण्यासाठी काळजी घ्यावी, असे आवाहन पालिकेच्या आरोग्य विभागाने केले आहे.

7 ते 14 नोव्हेंबरची आकडेवारी!

मलेरिया - 152

डेंग्यू  - 70

गॅस्ट्रो - 121

कावीळ - 13

चिकनगुनीया - 9

लेप्टो - 4

स्वाईन फ्ल्यू - 0

१ ते ७ नोव्हेंबरची आकडेवारी!

मलेरिया - 72

डेंग्यू  - 47

गॅस्ट्रो - 49

कावीळ - 6

चिकनगुनीया - 6

लेप्टो - 1

स्वाईन फ्ल्यू - 1