मुंबईसह उपनगरात पावसामुळे रस्त्यांवर पाणी तुंबलं आहे. अंधेरी, कांदिवली, बोरिवली, मालाड, दहिसर गोरेगावसह उपनगरागत पहाटेपासून पावसाचा जोर वाढला आहे. हवामान खात्यानं मुंबईत रेड अलर्ट जारी केला असून दुपारच्या सत्रातील शाळा-महाविद्यालयांना सुट्टी देण्यात आलीय. अंधेरीत मुसळधार पावसाने हाहाकार उडाला आहे. सबवे पाण्याखाली गेलाय. तर अनेक ठिकाणी चार फुटांपर्यंत पाणी साचलं आहे. गेल्या तीन तासांपासून अंधेरी सबवे वाहतुकीसाठी बंद आहे. अंधेरी सबवेत चार फुटापर्यंत पाणी भरलं आहे.