कळवा स्टेशनवर प्रवाशांचं आंदोलन, पोलिसांच्या हस्तक्षेपानंतर लोकल पुन्हा सुरू

ठाणे : कळवा कारशेड मधून सुटणाऱ्या लोकलमध्ये प्रवेश करायचा आणि कारशेडमधूनच सीट अडवून ठेवायची, असा प्रकार वर्षानुवर्षे सुरू होता, दरम्यान कारशेडमधून गाडी भरून येत असल्याने ठाण्यातील प्रवाशांची नेहमीची तक्रार आहे. आज, शुक्रवारी ही साधी लोकल वातानुकूलित करण्यात आली असल्याने कारशेडमध्ये बसून प्रवास करणाऱ्यांची पंचाईत झाली आणि प्रवाशांचा संताप अनावर झाला. त्यामुळे कळवा स्टेशन येथे संतप्त नागरिकांना कळवा स्टेशनवर एसी लोकल रोखून ठेवल्याचा प्रकार घडला.

कळवा-मुंब्रा हा राजकीय संवेदनशील भाग असल्याने जमाव जमा झाला. या लोकलसमोर मोठ्यासंख्येने प्रवासी एकत्र येऊ प्रवाशांनी ही लोकल रोखून धरल्याचा प्रकार समोर आला.

कळवा कारशेडमधून निघणाऱ्या लोकल ठाणे ते सीएसएमटी इथे जातात. दरम्यान कळव्यातील अनेक प्रवासी लोकलमधून प्रवास करतात. ही लोकल आता एसी करण्यात आली आहे. त्यात आता कळव्यातील प्रवाशांना प्रवास करता येत नाही. आज कळव्यात प्रवाशांनी याप्रकरणी आंदोलन केलं. यावेळी आक्रमक झालेल्या प्रवाशांनी एसी लोकल रोखून धरली. अखेर आरपीएफ आणि जीआरपी यांच्या मदतीने आंदोलक प्रवाशांना ट्रॅकवरून बाजूला करण्यात आले. त्यानंतर लोकलसेवा पूर्ववत सुरू झाली.

प्रवाशांचं म्हणाणं काय?

कळवा स्टेशनवरील प्रवाशांना ट्रेन मध्ये चढायला मिळत नाही म्हणून ते जिवावर उदार होऊन कारशेड मधून प्रवाशाला सुरुवात करतात आणि त्यावर कुरघोडीचे प्रयत्न म्हणून AC Train सुरू केली असे दिसते. गर्दीमुळे पडून मृत्युमुखी पडणाऱ्या प्रवाशांची संख्या कमी करण्याऐवजी वाढविण्याचे प्रयत्न AC केबीनमध्ये बसून रेल्वे प्रशासन करत आहे.