आज रेल्वेच्या दोन मार्गावर मेगाब्लॉक, जाणून घ्या आजच्या मेगाब्लॉकचं वेळापत्रक

मुंबई: आज 7 फेब्रुवारी. आज रविवार असल्यानं रेल्वे प्रशासनानं मेगाब्लॉक घेण्याचा निर्णय घेतला. त्यानुसार आज मध्य आणि पश्चिम रेल्वेच्या उपनगरी मार्गावर देखभाल-दुरुस्तीसाठी रविवारी मेगाब्लॉक घेण्यात येत आहे. यावेळी सकाळी 10.00 ते संध्याकाळी 4.30 या वेळेत हार्बर मार्गावरील प्रवाशांना मुख्य मार्गाने प्रवास करण्याची परवानगी दिल्याचे मध्य रेल्वे प्रशासनाने सांगितले आहे.

कुठे : माटुंगा-मुलुंड अप आणि डाऊन जलद 
कधी : सकाळी 11 ते दुपारी 4 पर्यंत

परिणाम : सीएसएमटी येथून सुटणाऱ्या डाऊन जलद सेवा माटुंगा येथे डाऊन धीम्या मार्गावर वळविल्या जातील. सायन व मुलुंड दरम्यानच्या सर्व स्थानकांवर थांबतील आणि आपल्या नियोजित वेळेपेक्षा 15 मिनिटे उशिरा  पोहोचतील. ठाण्यापुढील जलद लोकल मुलुंड येथे डाऊन जलद मार्गावर पुन्हा वळविण्यात येतील.  ठाणे येथून सुटणा-या अप जलद मार्गावरील सेवा मुलुंड येथे अप धिम्या मार्गावर वळविण्यात येतील आणि मुलुंड ते दादर दरम्यान सर्व स्थानकांवर थांबतील. दादरनंतर जलद सेवा परळ येथे अप जलद मार्गावर  वळविण्यात येतील. 

हेही वाचा- Petrol Diesel Price | डिझेलच्या दरवाढीचा लालपरीला फटका; तोट्यात कोटींची भर

कुठे : पनवेल-वाशी अप आणि डाऊन, पनवेल-बेलापूर/नेरुळ-खारकोपर अप आणि डाऊन 
कधी : सकाळी 10 ते दुपारी 4.16 दरम्यान

परिणाम : पनवेल / बेलापूरहून सीएसएमटीकडे जाणाऱ्या अप हार्बर मार्गावरील सेवा आणि सीएसएमटी ते  पनवेल / बेलापूरकडे जाणाऱ्या डाऊन हार्बर मार्गावरील सेवा रद्द करण्यात येणार आहे. पनवेलहून ठाणेकडे जाणाऱ्या ट्रान्स हार्बर मार्गावरील अप सेवा आणि ठाणे ते पनवेल / बेलापूर साठी जाणाऱ्या डाऊन मार्गावरील सेवा रद्द राहतील. या ब्लॉक कालावधीत छत्रपती शिवाजी महाराज टर्मिनस मुंबई - वाशी विभागात विशेष गाड्या सोडण्यात येणार आहे. ठाणे-वाशी/ नेरुळ सेवा ब्लॉक दरम्यान सुरू असेल.

मुंबई विभागातल्या ताज्या बातम्या वाचण्यासाठी येथे क्लिक करा.

कुठे : वसई रोड ते भाईंदर अप आणि डाऊन जलद मार्गावर
कधी : रात्री 12.30 ते पहाटे 4

परिणाम : या ब्लॉक कालावधीत अप-डाऊन जलद मार्गावरील काही लोकल सेवा रद्द करण्यात येणार आहे. मात्र आज दिवसभर पश्चिम रेल्वे मार्गावर प्रवास करणाऱ्या प्रवाशांसाठी कोणताही मेगाब्लॉक नसेल.

-----------------------------------

(संपादन- पूजा विचारे)

Mumbai mega block western and central railway sunday 7th february timetable