Mumbai: मुंबई महापालिकेला मिळणार नवे सभागृह! सहा मजली इमारत, सांस्कृतिक दालन, व्यायामशाळा अन् प्रशस्त सभागृह; ४४ कोटींचा प्रस्ताव

मुंबई : मुंबई महापालिकेच्या मुख्यालयातील जागा अपुरी पडत असल्याने शेजारच्या 'टाऊनहॉल जिमखाना' च्या भूखंडावर प्रशासकीय व क्रीडा वापरासाठी सुसज्ज इमारत बांधण्यात येणार आहे. सुमारे ३२० नगरसेवक व लोकप्रतिनिधींची क्षमता असलेल्या सभागृहासह महापौर, उपमहापौर आणि विरोधी पक्षनेत्यांसाठी स्वतंत्र दालने, पत्रकार कक्ष, व्यायामशाळा अशा विविध सुविधा या इमारतीत असणार आहे.