प्रवाशांसाठी महत्त्वाची बातमी! 'या' मार्गावरच्या सर्व गाड्या वेगवेगळ्या रेल्वे स्थानकांत थांबवल्या; काय आहे कारण?

Railway News : नाशिक ते मुंबई दरम्यान असणाऱ्या वाशिद रेल्वे स्टेशन (Washid Railway Station) जवळ झाड पडल्याने आणि पावसामुळे वाळूचा भराव वाहून गेल्याने भुसावळ-मुंबई मार्गावरच्या (Bhusaval-Mumbai Route) सर्व गाड्या वेगवेगळ्या रेल्वे स्थानकांत थांबवण्यात आल्या आहेत.

या गाड्या नगर-दौंड मार्गे वळवण्यात येणार असल्याचे सध्या नियोजन सुरू आहे. नाशिक रोडला (Nashik Road) राज्यराणी गाडी थांबली आहे, तर जवळील कॅम्पला इतर महत्त्वाच्या काही रेल्वे थांबविण्यात आले आहेत.

नाशिककरांची प्रवास वाहिनी 'पंचवटी' या सबंध प्रवासात अडकून पडली आहे. पंचवटीच्या प्रवाशांना सलग दुसऱ्या दिवशीही पश्चाताप सहन करावा लागत आहे. सध्या ही गाडी नाशिक रोड रेल्वे स्थानकावर थांबलेली आहे.