हायकमांडकडून आदेश आला, दिल्लीत लागली बैठक; उद्या बदलला जाणार महाराष्ट्र काँग्रेस प्रदेशाध्यक्ष ?

मुंबई : राज्यातील काँग्रेस नेत्यांना उद्या दिल्लीत बोलावलं आहे. राज्यातील काँग्रेस प्रदेशाध्यक्ष बदलाच्या बातम्या गेल्या महिन्याभरापासून समोर येतायत. बाळासाहेब थोरात यांच्याऐवजी नाना पटोले यांच्या नावावर शिक्कामोर्तब झाल्याचं देखील बोललं जात आहे. अशात उद्या महाराष्ट्रातील मंत्री आणि नेत्यांना हायकमांडने दिल्लीत बैठकीसाठी बोलावलं आहे. उद्याच्या दिल्लीत होणाऱ्या बैठकीत प्रदेशाध्यक्षपदाबाबत चर्चा आणि निर्णय होण्याची शक्यता आहे.

महत्त्वाची बातमी : नामांकित IT कंपनीचा कर्मचारी डार्क वेबवरून करायचा काळे धंदे, NCB ने ड्रग्ससकट अरबाजलाही उचललं

या सोबतच दुसरा मुद्दा म्हणजे शेतकरी आंदोलनाच्या पार्श्वभूनमीवर काँग्रेसच्या गोटात मोठ्या हालचाली सुरु झाल्या आहेत.  शेतकरी आंदोलनाच्या पार्श्वभूमीवर महाराष्ट्रात नक्की कशा प्रकारे रणनीती राबवायची यावरही उद्याच्या बैठकीत चर्चा होणार असल्याचं समजतंय.

याआधी काँग्रेसकडून राज्यभरात शेतकऱ्यांच्या सह्यांची मोहीम राबवली गेलेली. केंद्राला शेतकऱ्यांच्या सह्या असलेली पत्र देखील पाठवण्यात आली होती. त्यामुळे उद्या दिल्लीत होणाऱ्या बैठकीत प्रामुख्याने या दोन विषयांवर  चर्चा होणार असल्याचं समजतंय.

महत्त्वाची बातमी : "येणाऱ्या निवडणुकीत 'वीरप्पन गॅंग'चा एन्काऊंटर करावाच लागेल", मनपा निवडणुकांआधी मुंबईत गरमागरमी

उद्या पार पडणाऱ्या बैठकीत काँग्रेसचे महाराष्ट्रातील मंत्री आणि महत्त्वाचे नेते उपस्थित राहणार आहेत.  

मुंबईतील महत्त्वाच्या बातम्या वाचण्यासाठी इथे क्लिक करा 

mumbai news congress political news leaders of maharashtra to have meeting with high command at delhi