Mumbai News : पश्चिम रेल्वेचा मेगाब्लॉक अंतिम टप्पात! प्रवाशांना आणखी दोन दिवस होणार त्रास

मुंबई - पश्चिम रेल्वेवर खार- गोरेगावदरम्यान सहाव्या मार्गिकेच्या कामासाठी सुरु असलेल्या ब्लॉक आता अंतिम टप्प्यात आलेला आहे. शेवटचे दोन दिवस प्रवाशांना आणखी त्रास सहन करावा लागणार आहे. प्रवाशांचा त्रास कमी करण्यासाठी पश्चिम रेल्वेने शनिवारी रद्द केलेल्या नियोजित ३१६ लोकल फेऱ्यांपॆकी १६८ लोकल पुर्ववत करणार आहे. तर दिवसभऱात १४८ लोकल रद्द असणार आहे.

पश्चिम रेल्वेवर २९ दिवसांच्या ब्लॉकचे घेऊन पाचव्या आणि सहाव्या मार्गिकेचे काम सुरू केले आहे. हे काम खार ते गोरेगाव दरम्यान सुरु असल्याने पश्चिम रेल्वे मार्गावरील लोकल फेऱ्या रद्द केल्या आहे. विशेष म्हणजे सर्वधिक महत्वाचे काम ७ ऑक्टोबर ते ५ नोव्हेंबरपर्यंत केले जात असल्याने पश्चिम रेल्वेवर सोमवारपासून ते शुक्रवारपर्यत दिवसाला ३१६ फेऱ्या रद्द करण्यात आल्या आहे.

त्यामुळे प्रवाशांचे मोठे हाल सुरु आहे. प्रवाशांची कोंडी लक्षात घेता पश्चिम रेल्वेने रद्द केलेल्या ३१६ लोकल पुर्ववत करण्यावर भर दिला आहे.तसेच शनिवारी रद्द केलेल्या नियोजित ३१६ लोकल फेऱ्यांपॆकी १६८ लोकल पुर्ववत करणार आहे. तर दिवसभऱात १४८ लोकल रद्द असणार असल्याची माहिती पश्चिम रेल्वेने दिली आहे, सहाव्या मार्गिकेच्या कामाचा अंतिम टप्पा आले आहे.

४ नोव्हेंबर आणि ५ नोव्हेंबर काम पुर्ण झाल्यानंतर त्याची पाहणी रेल्वे सुरक्षा आयुक्त ५ आणि ६ नोव्हेंबर रोजी करणार आहे. या पाहणीनंतरच सहावी मार्गिका सुरू करण्याचा निर्णय होईल अशी माहिती पश्चिम रेल्वेच्या वरिष्ठ अधिकाऱ्यांनी दिली आहे.