मुंबईत ओमिक्रॉनचे 46 टक्के रुग्ण; BMC चा चाचण्यांवर भर

मुंबई : मुंबईत ओमिक्रॉन विषाणू (Omicron variant) बाधित रुग्णांची संध्या वाढत आहे. राज्यात आतापर्यंत सापडलेल्या एकूण रुग्णांपैकी सर्वाधिक 46 टक्के रुग्ण मुंबईत (omicron patients in Mumbai) सापडले आहेत. ओमिक्रॉन संसर्ग नियंत्रणात आणण्यासाठी मुंबई महानगरपालिकेने (BMC) जिनोम सिक्वेन्सींग चाचण्यांवर (Genome sequencing) भर दिला आहे.

राज्यात आतापर्यंत 65 ओमिक्रॉन बाधित रुग्ण सापडले आहेत. त्यातील सर्वाधिक 30 रुग्ण मुंबईतील आहेत. त्यातील 85 टक्के लोकांना ब्रेक थ्रू संसर्ग म्हणजे कोरोना लसीच्या दोन्ही मात्रा घेतल्यानंतर ही संसर्ग झाला आहे. मात्र फार कमी लोकांना सौम्य लक्षणे असून इतर सर्व रुग्ण लक्षणे विरहित आहेत.

मुंबई विमानतळावर आतापर्यंत 8626 प्रवासी दाखल झाले आहेत. त्यातील 72 प्रवासी आणि सहवासितांना कोविडची बाधा झाल्याचे निष्पन्न झाले आहे. तर आतापर्यंत 30 प्रवाश्यांचा ओमायक्रॉन नमुना तपासणी अहवाल पॉझिटिव्ह आला आहे. त्यापैकी 13 जणांना बरे झाल्यानंतर घरी सोडून देण्यात आले आहे.

जिल्हा /मनपा बाधित रुग्ण

मुंबई 30

पिंपरी चिंचवड 12

पुणे ग्रामीण 7

पुणे मनपा 3

सातारा 3

कल्याण डोंबिवली 2

उस्मानाबाद 3

बुलडाणा 1

नागपूर 1

लातूर 1

वसई विरार 1

नवी मुंबई 1

एकूण 65

"ओमिक्रॉनसह कोरोना संसर्ग नियंत्रणात आहे. महापालिका प्रशासन योग्य ती खबरदारी घेत आहे. बाधित रुग्णांपैकी बरेच रुग्ण बाहेरच्या राज्यातील देखील आहेत."

-सुरेश काकाणी , अतिरिक्त आयुक्त , मुंबई महानगरपालिका