मुंबईसह उपनगरात जोरदार पावसाची हजेरी, पुढील ३ तास अतिमुसळधार पावसाचा इशारा

Mumbai Rain News: मुंबईत सकाळपासूनच पावसाने जोरदार हजेरी लावली आहे. तर पुढील तीन तासांत मुंबईत वादळी वाऱ्यासह मुसळधार पावसाची शक्यता वर्तवण्यात आलीय. हवामान विभागाने मुंबईला 'ऑरेंज अलर्ट' जारी केलाय. सकाळी ७:०० वाजता जारी केलेल्या इशाऱ्यानुसार, मुंबईत पुढील ३ तासांत काही ठिकाणी विजांच्या कडकडाटासह आणि ताशी ३० ते ४० किमी वेगाने वाहणाऱ्या वादळी वाऱ्यासह मुसळधार ते अतीमुसळधार पावसाची शक्यता आहे.