मुंबईत विक्रोळी परिसरात झोपडपट्टीत राहणाऱ्या एका व्यक्तीला १० कोटींची जीएसटी नोटीस आली आहे. झोपडपट्टीत दहा बाय दहाच्या खोलीत राहणाऱ्या व्यक्तीला कोट्यवधींची जीएसटी नोटीस आल्यानं खळबळ उडाली आहे. प्रत्यक्षात एका लहानशा खोलीत ते राहत असले तरी त्यांच्या नावे कागदोपत्री कंपनी आहे. त्यावरून कोट्यवधींची उलाढाल होत असल्यानं ते व्यापारी म्हणून नोंद झालेत. जीएसटी नोटीस आल्यानंतर नेमकं काय घडलंय हे त्या व्यक्तीला माहितीच नाही. यातून आता जीएसटी घोटाळा समोर आला आहे.