मुंबई: मुंबई NCB चे झोनल संचालक समीर वानखेडे (Sameer wankhede)यांचे वडिल ज्ञानदेव वानखेडे (Dnyandev wankhede) यांनी नवाब मलिक (Nawab malik) यांच्याविरोधात कोर्टात याचिका दाखल केली आहे. नवाब मलिक यांच्याकडून दररोज आरोप होत असल्यामुळे त्यांनी हे पाऊल उचललं आहे. या प्रकरणात हायकोर्टात सुनावणी सुरु आहे. समीर वानखेडे यांचे वडील ज्ञानदेव वानखेडे यांनी 20 पानांचं प्रतिज्ञापत्र हायकोर्टात (High court) सादर केलंय.
या 20 पानी प्रतिज्ञापत्रात त्यांनी अनेक कागदपत्र दिलीत, ज्यामध्ये त्यांचं नाव ज्ञानदेव असल्याचं सिद्ध होतंय. नवाब मलिक यांनी दावा केल्याप्रमाणे ज्ञानदेव वानखेडे यांचं नाव दाऊद वानखेडे आहे. नवाब मलिक यांनी हायकोर्टात तीन पानांच प्रतिज्ञापत्र सादर केलंय. ज्ञानदेव वानखेडेंनी कोर्टात पत्नीने धर्मांतर केल्याचं सांगितलं.
ज्ञानदेव वानखेडे यांच्या याचिकेवर हायकोर्टात सुनावणी सुरू आहे. ज्ञानदेव वानखेडे यांनी कोर्टात सांगितलं की, ते "हिंदू महार आहेत आणि त्याची पत्नी झाईदा ही मुस्लिम होती पण त्यांनी हिंदू पद्धतीनुसार लग्न केलं." लग्नानंतर झाईदा हिंदू धर्मात समाविष्ट झाल्या. ज्ञानदेव वानखेडे यांनी स्वत:च आधारकार्ड, पॅनकार्ड, शाळेच्या मार्कलिस्ट, पोलीस सेवेत असतानाचे कागदपत्रांचे इतर पुरावे कोर्टासमोर ठेवले. नवाब मलिक यांनी केलेली सगळी ट्विट्स वानखेडेंच्या वकिलांनी हायकोर्टत वाचून दाखवली.
वकील अर्षद शेख हायकोर्टात वानखेडे कुटुंबियांच्या बाजूने युक्तिवाद करत आहेत. एकूण 28 पानी कागदपत्र ज्ञानदेव वानखेडे यांनी कोर्टासमोर ठेवली. नवाब मलिक यांनी दुबईतील हॉटेलमधला म्हणून यास्मिन आणि समीर वानखेडे यांचा जो फोटो ट्विट केला होता तो फोटो दुबईतला नसून मुंबईतल्या एअरपोर्टवरचा आहे. ते ट्विट पूर्णपणे खोटं आहे, असा युक्तीवाद वानखेडे यांच्या वकिलाने केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
