'पक्षाच्या सर्व जबाबदाऱ्यांचा दिला राजीनामा'; भाजपला मोठा शॉक...

सकाळ वृत्तसेवा
Tuesday, 25 February 2020

मुंबई : मुंबईच्या मीरा-भाईंदरमध्ये भाजपला मोठा धक्का बसला आहे. येत्या २६ फेब्रुवारीला महापौर आणि उपमहापौर या पदांसाठी निवडणुक होणार आहे. मात्र त्याआधीच मीरा-भाईंदरचे भाजपचे नेते नरेंद्र मेहता यांनी भाजपच्या सर्व पदांचा राजीनामा दिला आहे. त्यामुळे ऐन निवडणुकांच्या तोंडावर भाजपला मोठा धक्का बसला आहे. नरेंद्र मेहता यांनी याबद्दलचा एक व्हिडियो अपलोड केला आहे. “माझ्यामुळे पक्षाची बदनामी होत आहे. त्यामुळे मी पक्षाच्या सर्व जबाबदाऱ्यांचा राजीनामा देत आहे”, असं या व्हीडियोमध्ये नरेंद्र मेहता यांनी म्हंटलंय.

मुंबई : मुंबईच्या मीरा-भाईंदरमध्ये भाजपला मोठा धक्का बसला आहे. येत्या २६ फेब्रुवारीला महापौर आणि उपमहापौर या पदांसाठी निवडणुक होणार आहे. मात्र त्याआधीच मीरा-भाईंदरचे भाजपचे नेते नरेंद्र मेहता यांनी भाजपच्या सर्व पदांचा राजीनामा दिला आहे. त्यामुळे ऐन निवडणुकांच्या तोंडावर भाजपला मोठा धक्का बसला आहे. नरेंद्र मेहता यांनी याबद्दलचा एक व्हिडियो अपलोड केला आहे. “माझ्यामुळे पक्षाची बदनामी होत आहे. त्यामुळे मी पक्षाच्या सर्व जबाबदाऱ्यांचा राजीनामा देत आहे”, असं या व्हीडियोमध्ये नरेंद्र मेहता यांनी म्हंटलंय.  दरम्यान नरेंद्र मेहता हे पक्षाच्या जेष्ठ नेत्यांवर नाराज आहेत अशी माहिती मिळतेय.

मोठी बातमी - शिवसेना म्हणतेय, फडणवीस तुम्ही कामाला लागा...

काय आहे मेहतांच्या नाराजीचं कारण:

नरेंद्र मेहता हे माजी आमदार आहेत. मीरा भाईंदरमध्ये भाजपचे २ गट आहेत. एक गट मेहता यांचा तर दूसरा गट विद्यमान आमदार गीता जैन यांचा आहे. नरेंद्र मेहतांनी रुपाली शिंदेंना महापौर आणि ध्रुवकिशोर पाटील यांना उपमहापौर बनवण्यासाठी पक्षातल्या वरिष्ठ नेत्यांना सुचवलं होतं. मात्र पक्षांच्या नेत्यांनी आज दोन्ही नावं वगळून ज्योत्स्ना हसनाळे यांना महापौर आणि मदन सिंह आणि हसमुख गेहलोत यांना उपमहापौर पदासाठी अर्ज दाखल करण्याचे आदेश दिले होते. यावर नरेंद्र मेहता नाराज होते आणि म्हणूनच त्यांनी राजीनामा दिला अशी चर्चा राजकीय वर्तुळात आहे.

मोठी बातमी - वॉचमन म्हणाला चल चॉकलेट आणि १४ वर्षीय मुलीला केलं गर्भवती...

कोण आहेत नरेंद्र मेहता :
 
नरेंद्र मेहता हे २००२ साली पहिल्यांदा नगरसेवक म्हणून निवडून आले होते. त्यानंतर २००७ मध्ये ते मीरा-भाईंदरचे महापौर झाले. त्यानंतर २०१४ मध्ये पुन्हा आमदार म्हणून त्यांना जनतेचा आशिर्वाद मिळाला होता. मात्र त्यांच्यावर काही भ्रष्टाचाराचे आरोपही करण्यात आले होते. मात्र यावेळच्या विधानसभेच्या निवडणुकीमध्ये त्यांना पराभवाचा सामना करावा लागला होता. महापौर निवडणूक जिंकायची आणि आपलं वर्चस्व पुन्हा महापालिकेवर स्थापन करायचं असा मानस मेहता यांचा होता.

मोठी बातमी - प्रकल्पग्रस्त झाले आक्रमक; १६ मार्चला मंत्रालयावर धडक

मात्र पक्षातल्या नेत्यांनी त्यांची मागणी पूर्ण न केल्यामुळे मेहता यांनी राजीनामा दिला. त्याच्या या राजीनाम्यामुळे मीरा-भाईंदरमध्ये भाजपला मोठा शॉक बसला आहे.

narendra mehata resigned from all the post of bjp big shock for bjp in mumbai         

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: narendra mehata resigned from all the post of bjp big shock for bjp in mumbai