नववर्षाच्या स्वागतासाठी समुद्री पार्ट्यांना उधाण!

मुंबई - नववर्षाच्या स्वागतासाठी मुंबईकरांसाठी फ्लोटिंग रेस्टॉरंट, क्रूझ सज्ज झाली आहेत. येथे नववर्षाच्या पूर्वसंध्येला पार्ट्या रंगणार आहेत. अथांग निळ्याशार समुद्रात आणि फटाक्‍यांच्या आतषबाजीत मुंबईकरांना नववर्षाचे स्वागत करता येणार आहे. या पार्ट्यांकडे मुंबईकरांसह परदेशी पर्यटकांचाही कल वाढला आहे.

ताज्या बातम्यांसाठी डाऊनलोड करा ई-सकाळचे ऍप

गतवर्षापासून ‘क्रूझिंग कल्चर’ला मुंबईकर प्रतिसाद देत आहेत. डीजे, अमर्यादित खाद्यपदार्थ आणि क्रूझमध्ये एक रात्र निवासाची संधी, असे पॅकेज क्रूझ कंपन्या आणि फ्लोटिंग रेस्टॉरंटनी देऊ केले आहेत. एका व्यक्तीसाठी पाच हजार रुपये याप्रमाणे ही पॅकेज आहेत. आंग्रीया क्रूझ, एबी सेलेस्टाईल फ्लोटिंग रेस्टॉरंट, मुंबई मेडन येथे नववर्षाच्या स्वागतासाठी पार्ट्या रंगणार आहेत. आजूबाजूला पसरलेला समुद्र, थोडासा गारवा, आकर्षक विद्युत रोषणाई आणि रात्री १२ वाजता आकाशात होणारी फटाक्‍यांची आतषबाजी असे मोहक वातावरण अनुभवण्यासाठी मुंबईकरांचा कल क्रूझ पार्ट्यांकडे वाढत आहे.

अजित पवारांना गृह तर धनंजय मुंडेना मिळणार 'हे' खाते

दमण दारूवर करडी नजर
डहाणू ः मुंबई-अहमदाबाद महामार्गावर खानवेल या मार्गे मोठ्या प्रमाणात महाराष्ट्रात चोरट्या मार्गाने दारू आणली जात आहे. थर्टीफस्टच्या पार्ट्यांसाठी मोठ्या प्रमाणात या दमण दारूचा साठा वापरला जातो आहे. त्यामुळे राज्य उत्पादन शुल्क विभाग सतर्क झाला असून या विभागाचे अधीक्षक आणि त्याचे कर्मचारी यावर लक्ष ठेवून आहेत.