- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
मुंबई : अभिनेता सुशांतसिंह याच्या बॅंक खात्यातून रिया चक्रवर्तीच्या खात्यात कुठलाही व्यवहार झाला नसल्याचे फॉरेन्सिक ऑडिटच्या (न्यायवैद्यक लेखापरीक्षण) अहवालातून स्पष्ट झाले आहे.
सुशांतच्या बॅंक खात्यातून मोठ्या प्रमाणात रक्कम वळवल्याचे आरोप करण्यात आले होते. या आरोपामुळे मुंबई पोलिसांनी सुशांतच्या सर्व व्यवहारांचे फॉरेन्सिक ऑडिट केले होते. सोमवारी (ता. 17) हा अहवाल वांद्रे पोलिसांकडे सोपवण्यात आला. या अहवालामध्ये सुशांतच्या खात्यातून कुठलाही गैरव्यवहार झाला नसल्याचे स्पष्ट करण्यात आले आहे.
अभिनेता सुशांतसिंहने 14 जूनला आत्महत्या केल्यानंतर त्याच्या तीन बॅंक खात्यातून मोठ्या प्रमाणावर रक्कम इतर खात्यात वळवल्याचा आरोप झाला होता. या प्रकरणी सुशांतच्या वडिलांनी पाटण्याच्या (बिहार) राजीव नगर पोलिस ठाण्यामध्ये तक्रारही दाखल केली होती.
सुशांतच्या वडिलांनी केलेल्या तक्रारीत सुशांतच्या खात्यातून पैसै काढल्याचा आरोप करण्यात आला होता. यात सुशांतच्या बहिणींनी रिया चक्रवर्तीवर संशय व्यक्त केला. त्यानंतर बिहार पोलिसांच्या पथकाने मुंबईत येऊन बॅंक खात्यांची चौकशी केली होती. ईडीने या व्यवहाराची चौकशी सुरू केली आहे.
या प्रकरणात आरोप-प्रत्यारोप वाढल्याने मुंबई पोलिसांनी सुशांतच्या आर्थिक व्यवहाराच्या तपासासाठी फॉरेन्सिक ऑडिटरची नेमणूक केली होती. यामध्ये सुशांतच्या करिअरच्या सुरुवातीपासून ते आतापर्यंतच्या आर्थिक व्यवहाराची चौकशी करण्यात आली.
मात्र तपासात कुठलेही आक्षेपार्ह व्यवहार झाल्याचे आढळून आले नाही. कामगारांचे वेतन, घरभाडे आणि इतर खर्चाचा तपशील या अहवालामध्ये देण्यात आला आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.