esakal | 'ते' आधी निर्जनस्थळी न्यायचे; मग करायचे...
sakal

बोलून बातमी शोधा

'ते' आधी निर्जनस्थळी न्यायचे, मग करायचे...

ओला-उबेर; तसेच टॅक्‍सी-रिक्षाचालकांना लुटणाऱ्या दोघा सराईत गुन्हेगारांना अटक करण्यात वाशी पोलिसांना यश आले आहे. हे दोघे टॅक्‍सी निर्जन स्थळी घेऊन जात व चालकाच्या गळ्यावर धारदार शस्त्राने वार करत त्याच्याजवळची रोख रक्कम व इतर ऐवज लुटायचे.

'ते' आधी निर्जनस्थळी न्यायचे; मग करायचे...

sakal_logo
By
सकाळ वृत्तसेवा

नवी मुंबई : ओला-उबेर; तसेच टॅक्‍सी-रिक्षाचालकांना लुटणाऱ्या दोघा सराईत गुन्हेगारांना अटक करण्यात वाशी पोलिसांना यश आले आहे. हे दोघे टॅक्‍सी निर्जन स्थळी घेऊन जात व चालकाच्या गळ्यावर धारदार शस्त्राने वार करत त्याच्याजवळची रोख रक्कम व इतर ऐवज लुटायचे. किसन श्रीचंद जैसवाल (22) आणि गणेस बाबू खाडे (22) अशी या दोघा लुटारूंची नावे असून, त्यांनी मागील पंधरा दिवसांमध्ये चार टॅक्‍सी व ओला-उबेर चालकांना लुटल्याचे तपासात निष्पन्न झाले आहे.

ही बातमी वाचली का? रायगडच्या पालकत्वावरून धुराळा! 

हे दोघे आरोपी वाशी गावात राहण्यास असून, ते मध्यरात्रीच्या सुमारास ओला-उबेर अथवा टॅक्‍सी-रिक्षामधून प्रवास करत असत. त्यानंतर चालकाला निर्जनस्थळी घेऊन जात, त्यांच्या गळ्यावर धारधार शस्राने वार करत त्यांच्याजवळची रोख रक्कम, मोबाईल फोन व इतर ऐवज घेऊन पलायन करीत असत. अशाच पद्धतीने या चोरट्यांनी मागील पंधरा दिवसांमध्ये टॅक्‍सीचालक, ओलाचालक, उबेरचालक व एक रिक्षाचालक अशा चौघांना लुटले. याशिवाय उबेर कंपनीची सिलेरीओ कार चोरून नेली होती. या चारही घटनांतील चालकांच्या गळ्यावर व गालावर वार करण्यात आल्याने ते गंभीररित्या जखमी झाले होते. 

ही बातमी वाचली का? ते आले, त्यांनी पाहिलं, अन्‌ ते प्रेमात पडले!
 
सोमवारी पहाटेच्या सुमारास सुमारे दीड किलोमीटर पाठलाग करून या चोरट्यांना जेरबंद केले. त्यांची अधिक चौकशी केली असता, त्यांनीच ओला-उबर व टॅक्‍सीचालकांना लुटल्याची कबुली दिली. त्यांच्याकडून चोरलेली कार व इतर ऐवज हस्तगत करण्यात आला आहे. न्यायालयाने या दोघांना 25 जानेवारीपर्यंत पोलिस कोठडी सुनावली आहे. 
- संजीव धुमाळ, वरिष्ठ पोलिस निरीक्षक. 

loading image
go to top