मुख्यमंत्री घरात आणि मंत्रालयीन कर्मचारी मृत्यूच्या दारात, दरेकरांचा मुख्यमंत्र्याना टोला

मुख्यमंत्री घरात आणि मंत्रालयीन कर्मचारी मृत्यूच्या दारात, दरेकरांचा मुख्यमंत्र्याना टोला

मुंबई : विधान परिषदेचे विरोधीपक्षनेते प्रवीण दरेकर यांनी महाराष्ट्राचे मुख्यमंत्री उद्धव ठाकरे यांच्यावर टीकास्त्र सोडलंय. स्वतः मुख्यमंत्री घरात राहून काम करतायत आणि मंत्रालयातील कर्मचाऱ्यांची १०० टक्के उपस्थिती अनिवार्य करण्यावरून प्रवीण दरेकर यांनी मुख्यमंत्री उद्धव ठाकरेंवर निशाणा साधलाय. याबाबतचा व्हिडीओ माध्यमांना देऊन प्रवीण दरेकरांनी ही प्रतिक्रिया दिली आहे. 

आपल्या व्हिडिओमध्ये काय म्हणालेत प्रवीण दरेकर ? 

मुख्यमंत्री घरात आणि मंत्रालयीन कर्मचारी मृत्यूच्या दारात हे काही बरोबर नाही. कोरोनामुळे मोठ्या प्रमाणात मंत्रालयीन कर्मचारी आणि अधिकाऱ्यांचा मृत्यू होतोय. आजही आम्ही उपाययोजनांची आणि सुरक्षेची मागणी सरकारकडे करत आहोत. माझी सरकारला विनंती आहे, आज सरकारी कारभार ज्यांच्या जीवावर चालतो तेच सुरक्षित नसतील तर ते आपल्यासाठी शोभा देणारे नाही. स्वतः मुख्यमंत्र्यांनी त्यांच्या सुरक्षिततेची हमी घ्यावी, असं विधान परिषद विरोधीपक्षनेते प्रवीण दरेकर आपल्या व्हिडीओमध्ये म्हणाले आहेत.  

काय आहे मंत्रालयाची कोरोनाकाळातील परिस्थिती 

महाराष्ट्राचा कारभार जिथून चालतो, जिथून राज्याचा गाडा हाकला जातो त्या मंत्रालयात कोरोनाचा मोठ्या प्रमाणात प्रादुर्भाव झाल्याचं पाहायला मिळालं.  आतापर्यंत मंत्रालयातील १५ मंत्रालयीन कर्मचारी अधिकाऱ्यांचा कोरणामुळे जीव गेलाय. राजपत्रित अधिकाऱ्यांनी असा दावा केलाय. एकंदर महाराष्ट्रातील कोरोनाची परिस्थिती पाहता आणि मुंबईतील कोरोनाचा कमी होत असेलेला डबलिंग रेट पाहता मंत्रालयात १०० टक्के उपस्थिती अनिवार्य करण्याबाबत विचार करावा असा राजपत्रित अधिकारी महासंघाने म्हटलंय. 

opposition leader pravin darekar pokes cm uddhav thackeray over full attendance in mantralaya

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com