Petrol Diesel Rate : सर्वसामान्यांना दिलासा! पेट्रोल डिझेल झाले स्वस्त; जाणून घ्या काय आहेत दर

Petrol Diesel Rate : सर्वसामान्य नागरिकांसाठी एक महत्त्वाची आणि आनंदाची बातमी समोर आली आहे. ती म्हणजे देशातील काही भागांमध्ये पेट्रोल डिझेलचे दर किंचित कमी झाले आहेत. यामुळे सर्वसामान्यांना काही प्रमाणावर दिलासा मिळणार आहे.

याबाबत अधिक माहिती अशी की, पेट्रोल आणि डिझेलचे भाव हे कच्च्या तेलाच्या किमतीवर आधारित असतात.गेल्या काही दिवसांपासून जागतिक बाजारात कच्च्या तेलाच्या दरामध्ये चढ-उतार पहायला मिळत आहेत. याचा परिणाम भारतातल्या पेट्रोल डिझेलच्या दरावरही झाला आहे.

भारतात दररोज पेट्रोलियम कंपनीकडून इंधनाचे भाव जारी केले जातात. बुधवारी जागतिक बाजारात कच्च्या तेलाच्या दरात किंचित घसरण झाली असल्याने देशातील काही भागांमध्ये पेट्रोल डिझेलचे दर कमी झाले आहेत.

गुरुग्रामध्ये पेट्रोल १६ पैशांनी, तर डिझेल १५ पैशांनी स्वस्त झाले आहे. तर जयपूरमध्ये पेट्रोलचा दर २९ पैशांनी, तर डिझेलचा दर २६ पैशांनी घसरला आहे. अहमदाबादमध्ये पेट्रोल ४७ पैसे, तर डिझेल ४९ पैशांनी घसरले आहे.

महाराष्ट्रात पेट्रोल-डिझेलच्या दरात कुठलाही बदल झालेला नाही. मुंबईत पेट्रोलचे दर जैसे थे आहेत. नोएडा शहरात पेट्रोल 33 पैशांनी महागलं असून डिझेल 32 पैशांनी महागले आहे.