Crime news : मुंबईतील माहीम येथील चर्च आवरत असलेल्या कब्रस्तानात तोडफोड करणारा आरोपी अटकेत

मुंबई : मुंबईच्या माहीम येथील सेंट मायकल चर्चमधल्या कब्रस्तानात तोडफोड करणारा आरोपीला पोलिसांनी अटक केली आहे.माहीम पोलिसांनी आरोपीला नवी मुंबई परिसरातून घेतलं आरोपीला ताब्यात घेतले आहे.

दाऊद इब्राहिम मोहम्मद अन्सारी असे आरोपीचे नाव असून तो आरोपी मानसिक रुग्ण असल्याचा पोलिसांनी संशय व्यक्त केला आहे.शनिवारी 7 जानेवारी रोजी सकाळी माहीम चर्चमधल्या स्मशानभूमीत तोडफोड झाल्याची घटना समोर आली होती . माहीम पोलिसांनी या प्रकरणी गुन्हा दाखल करून आरोपीचा शोध घ्यायला सुरुवात केली होती..

मुंबईतील माहीम परिसरात शनिवारी सकाळी 6 वाजता एका अज्ञात तरुणाने चर्चमध्ये प्रवेश केला. तो प्रथम चर्चच्या प्रार्थनागृहात गेला, तेथे जाऊन प्रार्थना केली. त्यानंतर जवळच असलेल्या स्मशानभूमीत जाऊन तोडफोड केली.

या अनोळखी तरुणाने स्मशानभूमीतील एक-दोन नव्हे तर एकूण 18 क्रॉस तोडले. अवघ्या काही मिनिटांत अज्ञात आरोपीने या क्रॉसना लक्ष्य केले. ही बाब चर्चच्या सुरक्षेला कळताच या तरुणाला अटक करण्याचा प्रयत्न झाला.

मात्र यादरम्यान तो कसातरी सुरक्षारक्षकाला धक्का देऊन तेथून फरार झाला. शनिवारी सकाळी लोक प्रार्थनेसाठी जात असताना हा तरुण चर्चमध्ये घुसला. त्यामुळे त्याच्यावर कोणीही संशय घेतला नाही. माहीम पोलीस तपास करून आरोपीला पकडण्यात यश मिळवले.