तुम्ही सोशल डिस्टन्सिंग पाळत नाही... त्रास मात्र पोलिसांना

मुंबई : कोरोनाचा संसर्ग रोखण्यासाठी सातत्याने एकमेकांपासून सुरक्षित अंतर ठेवण्याचे आवाहन केले जात आहे, मात्र त्याचे पालन होत नसल्याने पोलिसांचा जीव मात्र धोक्यात आला आहे. गर्दी केलेल्यांना पांगवण्याची जबाबदारी पोलिसांवर येते. त्यामुळे पोलिसांचे काम जास्तीत जास्त खडतर होत चालले असून त्यांच्यासाठी ते धोकादायकही ठरत आहे. 

हृदयद्रावक! फुलेविक्रेत्यांचे आयुष्य कोमजले; दैनंदिन गरजांसाठीही पैसे नाहीत

मुंबईत आत्तापर्यंत जवळपास साडेसहाशे पोलिसांना कोरोनाची लागण झाली. त्यातील 93 जण बरे झाले आहेत, तरीही धोका कमी झालेला नाही. काही पोलिसांचा कोरोनामुळे मृत्यू झाला आहे. कोरोनाबाधित पोलिसांची आकडेवारी बघितल्यास त्यातील सर्वाधिक बाधा दक्षिण आणि मध्य मुंबईत झाली आहे. एकमेकांपासून सुरक्षित अंतर नागरिकांनी राखावे याची जबाबदारी पोलिसांवर आहे आणि त्यासाठी त्यांना त्यांच्या नजीक जाणे  भाग पडत आहे. 

लॉकडाऊन दिलासा... रेल्वेस्थानकांतील पूल उभे राहताहेत

जे जे मार्ग पोलिस ठाण्यातील सर्वाधिक 46 कर्मचारी कोरोनाबाधित आहेत. त्या खालोखाल सहार पोलिस ठाण्यातील 26 जण बाधित आहेत. त्याखालोखाल धारावी (19), वडाळा (17), पायधुणी (13), निर्मल नगर (14), वाकोला (12) आदी पोलिस ठाण्यातील संख्याही लक्षणीय आहे. 

महत्त्वाचं : वांद्रे स्थानकांबाहेर पुन्हा सोशल डिस्टन्सिंगचे तीन तेरा...

कोरोना भयावह होत चालला आहे तरी एकमेकांपासून सुरक्षित अंतर राखण्याचे पालन नागरिकांकडून होत नाहीए. ते मोठ्या संख्येने घराबाहेर पडत आहेत. त्यामुळे त्यांच्याच नव्हे तर इतरांच्या जीवालाही धोका आहे. गर्दी झाल्यावर पोलिसांनाच ती नियंत्रणात आणावी लागत आहे. त्यासाठी त्यांना गर्दीत मिसळावे लागत आहे.  स्थलांतरितांनी रस्त्यावर गर्दी केली तेव्हाही त्यांना तेथून हटवताना त्यांच्याशी आमचा संपर्क आला, याकडे पोलिस आधिकारी लक्ष वेधतात.
गुन्हेगारांमुळेही पोलिसांना लागण होण्याचे प्रमाण मोठे आहे. 

स्पेशल ब्रॅंचलाही संसर्ग
स्पेशल ब्रँचमधील आधिकारीही कोरोनापासून सुटलेले नाहीत. त्यांनाही मुंबईत नियमांचे पालन करण्याची जबाबदारी देण्यात आली आहे. सशस्त्र पोलिस दलातील 134 जण बाधित आहेत. सुरक्षा विभागातील 20, गुन्हे अन्वेषण विभागातील 11, शीघ्र कृती दलातील 12 आणि वाहतूक विभागातील 16 जणांना बाधा झाली आहे.