बलात्काराचा गुन्हा नोंदवून घेताना, पोलिसाकडून तरुणीशी संतापजनक वर्तन; त्रासाला कंटाळून तरुणीची आत्महत्या

नालासोपारा : उत्तरप्रदेशमधील हाथरसमध्ये तरुणीवर झालेले बलात्कार प्रकरण ताजे असताना राज्यातही एक संतापजनक प्रकार घडल्याचे समोर आले आहे. नालासोपाऱ्यात एका 19 वर्षीय युवतीने आत्महत्या केल्याची धक्कादायक घटना घडली आहे. पोलिसांकडून आणि परिसरातील मुलांकडून तिचा मानिक छळ केल्याने तिने हे टोकाचे पाऊल उचलल्याचा आरोप आत्महत्या केलेल्या तरुणीच्या आईने केला आहे. 

कोरोना रुग्णांना कुटुंबियांशी कनेक्टेड ठेवण्यासाठी मुंबई महापालिका ६०० टॅब्स विकत घेण्याच्या विचारात

आत्महत्या केलेल्या तरुणीचे सुनील माने या तरुणाशी प्रेमसंबंध जुळले होते. सुनीलने लग्नाचे आमिष दाखवून या तरुणीशी शरिरसंबंध ठेवले होते. मात्र तो नंतर लग्नाला नकार दिला. आपली फसवणूक झाल्याचे लक्षात आल्यावर पीडित तरुणीने 15 सप्टेंबर रोजी आपल्या आई सोबत तुलिंज पोलीस ठाण्यात जाऊन प्रियकर सुनील माने यांच्या विरोधात बलात्काराचा गुन्हा दाखल केला होता. पण बलात्काराचा गुन्हा दाखल झाल्यानंतर तापासाधिकारी सहाय्यक पोलिस निरिक्षक दिपक गिरकर यांनी पीडित तरुणी सोबत असभ्य वर्तन करत महिला पोलिसांनी पीडितेचा जबाब न घेता एका पुरुष पोलिसांनी जवाब घेतला. तसेच तिला अपमानास्पद वागणूक दिली.

बाबरी पतनाआधी माधव गोडबोलेंनी आमच्या कानावर काही गोष्टी घातल्या होत्या, पण त्यांचं मत मागे पडलं? कारण सांगितलं शरद पवारांनी

या सर्व प्रकाराला कंटाळून मुलीने शुक्रवारी रात्री 8 वाजता राहत्या घरात आत्महत्या केली असल्याचा आरोप पीडित तरुणीच्या आई वडिलांनी केला आहे. मुलीच्या मृत्यूस जबाबदार असणाऱ्या पोलीस अधिकारी यांच्यावर कारवाही जोपर्यंत होणार नाही तो पर्यंत मृतदेह ताब्यात घेणार नाही, आम्हाला न्याय मिळालाच पाहिजे, असा पवित्रा ही पीडितेच्या आईने घेतला आहे. 

लग्नाचे अमिष दाखवून जबरदस्तीने बलत्कार केल्या प्रकरणी पीडित तरुणीच्या जवाबा वरून तुलिंज पोलीस ठाण्यात गुन्हा दाखल करण्यात आला आहे. आरोपी सुद्धा न्यायालयीन कोठडीत आहे. आम्ही आमची कारवाई केली आहे. पीडित तरुणीच्या आत्महत्येनंतर सुद्धा सध्या अकस्मात मृत्यूची नोंद केली आहे. या सर्व घटनेचा तपास सुरू असून जे कोणी दोषी असतील त्याप्रमाणे आम्ही कारवाई करणार आहोत. 
विजयकांत सागर,
अप्पर पोलीस अधीक्षक, वसई

---------------------------------------------

( संपादन - तुषार सोनवणे )