Powercut! वीज पुरवठा खंडित; मुंबई आणि उपनगरातील सिग्नल यंत्रणेवरही परिणाम
मुंबई : मुंबईमध्ये वीजपुरवठा खंडित झाल्याचा फटका वाहतुक व्यवस्थेलाही बसला. वीज पुरवठा खंडीत झाल्यामुळे शहरातील अनेक ठिकाणी सिग्नल यंत्रणा बंद झाली होती. अखेर वाहतुक पोलिसांनी काही काळ स्वतः वाहतुक नियंत्रीत केली.
मुंबईतील विद्युत पुरवठ्यात बिघाड झाल्यामुळे शहरात सर्वत्र दोनतास वीज पुरवठा बंद होता.महापारेषणच्या 400 केव्ही कळवा पडघा जीआयएस केंद्रात सर्किट 1ची देखभाल-दुरुस्ती सुरू होती. यावेळी सर्व भार सर्किट 2 वर होता. मात्र सर्किट 2 मध्ये अचानक तांत्रिक बिघाड झाल्याने मुंबई व ठाण्यामधील बहुतांश भागातील वीज पुरवठा खंडीत झाला होता. मात्र, या तांत्रिक बिघाडामुळे मुंबईमध्ये वीजपुरवठा करणाऱ्या महावितरण, अदानी, बेस्ट, टाटा अशा सर्वच वीज वितरकांच्या सेवेला फटका बसला होता. घरगुती ग्राहकासोबत शहराती अनेक कार्यालयांनाही याचा फटका बसला. वाहतुक यंत्रणाही याला अपवाद नव्हती. त्यामुळे शहरातील वाहतुक प्रभावीत झाली होती.
वांद्र येथील लकी जंक्शन परिसर हा मुंबईतील एका व्यस्त जंक्शन पैकी आहे. सोमवारी वीज पुरवठा खंडीत झाल्यामुळे येथील सिग्नल यंत्रणा बंद पडली होती. त्यामुळ वाहतुक पोलिस स्वतः रस्त्यावर उतरून वाहतुक नियंत्रीत करत होते. पण सुरूवातीच्या काही काळ सर्वच चालकांमध्ये संभ्रमाचे वातावरण होत. काही काळ वाहतुक कोंडीची परिस्थितीही निर्माण झाली होती. पण वाहतुक पोलिसांनी योग्य ते नियोजन करून सर्व वाहतुक सुरळीत केली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.