मुंबई : ज्ञान (Education) दिल्याने वाढते, असे नेहमीच ज्ञा बोलले जाते. वसईतील तामतलाव येथे राहणाऱ्या प्रवीण, देवेंद्र व महेश दांडेकर (Mahesh Dandekar) यांनी या उक्तीला प्रत्यक्षात आणले आहे. २३ जुलै १९८९ मध्ये प्रवीण दांडेकर (Pravin Dandekar) यांनी रहेजा महाविद्यालयात शिक्षण घेताना पहिला रोल कॅमेरा घेतला.
सध्या ते वसई तालुका फोटोग्राफर असोशिएशनचे अध्यक्ष आहेत. त्यांचे दोन बंधूदेखील याच क्षेत्रात आहेत. रोलमधून येणारी निगेटिव्ह असो, की आताचा डिजिटल कॅमेरा हाताळताना त्यांची दूरदृष्टी, नेमके कसे टिपायचे यात दांडेकरांचा असलेला हातखंडा अनेकांना भुरळ घालतो.
दांडेकर यांनी वसईत कार्यशाळा सुरू केली. यात अनेक विद्यार्थ्यांना मोफत प्रशिक्षण दिले आहे. यातून २५ ते ३० जण व्यावसायिक म्हणून काम करत आहेत. युरोप खंडात, अमेरिकेसह विविध देशांत त्यांचे विद्यार्थी आज अव्वल स्थानावर आहेत. अनेकांना शिक्षण घ्यायचे असते, मात्र महागडा कॅमेरा अथवा शुल्क देण्यासारखी परिस्थिती नसते; त्यामुळे त्यांना छायाचित्रणाचे मोफत प्रशिक्षण देत आहोत. असे प्रवीण व देवेंद्र दांडेकर सांगतात.
आम्ही तिघा भावंडांनी रोल कॅमेऱ्यापासून छायाचित्रणाचा प्रवास सुरू केला. सध्या डिजिटल जमाना असला, तरीदेखील उत्तम प्रतीच्या कॅमेऱ्यातून छायाचित्रे असावीत, ही मागणी असते. ही कला आमच्यापुरतीच मर्यादित न ठेवता अनेकांना विनामूल्य प्रशिक्षण दिले आणि विद्यार्थ्यांनी त्याचे चीजही केले. अनेक जण परदेशात छायाचित्रण करतात, याचे आम्हाला समाधान आहे.
प्रवीण दांडेकर, अध्यक्ष, वसई तालुका फोटोग्राफर असोसिएशन
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
