मुलांनो तयारीला लागा! 'या' दिवसापासून शाळा सुरु होण्याची शक्यता

मुंबई: महाराष्ट्रात कोरोना व्हायरसनं हाहाकार माजला आहे. सध्या राज्यात लॉकडाऊनचा चौथा टप्पा सुरु आहे. याच दरम्यान सर्व व्यवहारासह शाळा, कॉलेज बंद आहेत. त्यातच आता राज्य सरकार 15 जूनपासून शाळा पुन्हा सुरू करण्याचा विचार करत असल्याची माहिती समोर आली आहे. माध्यमांशी बोलताना राज्याचे शालेय शिक्षणमंत्री वर्षा गायकवाड यांनी असे संकेत दिले आहेत. 

राज्यात शाळा सुरु झाल्यानंतर आठवड्यातले 48 तास त्या सुरु ठेवल्या जातील. म्हणजे शनिवार-रविवार अशी सुट्टी देणाऱ्या शाळांना ती मुभा नसेल असंही वर्षा गायकवाड यांनी नमूद केलं आहे. तसंच राज्यातील शाळा हळूहळू सुरू होतील आणि पहिल्या टप्प्यात रेड झोन नसलेल्या भागात शाळा सुरू करण्यात येतील. लॉकडाऊनच्या चौथ्या टप्प्यात, महाराष्ट्रात मुंबई, पुणे, ठाणे, नागपूर आणि रेड झोनमधील अन्य 15 शहरे आहेत. मात्र हळूहळू शाळा सुरु करण्याचा विचार राज्य सरकार करतं असल्याचं वर्षा गायकवाड यांनी इंडियन एक्स्प्रेसला दिलेल्या मुलाखतीत म्हटलं आहे.

काय सांगता! ऑनलाईन मिळतोय प्लाज्मा? जाणून घ्या यामागचं सत्य..

शिफ्टमध्ये वर्ग चालवणं, शाळेचे तास कमी करणं, सकाळच्या शाळेत होणाऱ्या प्रोग्रामवर बंदी घालणं आणि क्रीडा उपक्रम राबवण्याच्या योजनांची माहिती यावेळी गायकवाड यांनी मुलाखती दरम्यान दिली आहे. शाळा सुरु झाल्यास सोशल डिस्टन्सिंग पाळणं बंधनकारक असेल असंही त्यांनी स्पष्ट केलं. शाळा सुरु करताना दोन पर्यांयाचा विचार सुरु असल्याचंही त्यांनी म्हटलं आहे. 

असे आहेत दोन पर्याय:

पहिल्या पर्यायात विद्यार्थ्यांना सम विषम रोलनुसार वेगवेगळ्या शिफ्टमध्ये बोलवण्यात येईल. त्यात सकाळच्या सत्रात आणि दुपारच्या सत्रात बोलवायचा विचार केला जात आहे. दुसरा पर्याय म्हणजे प्रत्येक पर्यायी दिवशी प्रत्येक वर्गातील विद्यार्थ्यांच्या तुकडीला कॉल करून एक दिवसाआड शाळेत बोलवायचं. तसंच प्रत्येक वर्गातील विद्यार्थ्यांचे दोन गट करण्यात येतील. कोणत्याही परिस्थितीत सोशल डिस्टन्सिंग ठेवून एका डेस्कवर फक्त एका विद्यार्थ्याला परवानगी असेल अशा सूचना देण्यात येतील.

या दोन पर्यायांचा विचार राज्य सरकार करत असून शाळा सुरु झाल्या तरीही एका बाकावर एकच विद्यार्थी बसेल याची काळजी शाळांना घ्यायची आहे असंही स्पष्ट करण्यात आलं आहे.

मोठी बातमी! मुंबईची लाईफलाईन टप्प्याटप्प्यानं लवकरच सुरु होणार?

लॉकडाऊनमुळे शाळा बंद असल्यानं विद्यार्थ्यांच्या प्रगतीवर परिणाम होईल असं शिक्षणमंत्र्यांनी म्हटलं आहे. शाळांमध्ये विद्यार्थी आणि शिक्षकांना होणाऱ्या कोरोना व्हायरसच्या संसर्गाचा धोका कमी करण्यासाठी सरकारनं नवीन मानक ऑपरेटिंग प्रक्रिया (एसओपी) तयार केली असल्याचंही त्यांनी सांगितलं. मात्र मुंबईतील रेड झोनमध्ये असलेल्या इतर शाळांमध्ये याचा विचार होऊ शकत नाही. शाळा पुन्हा सुरू करण्याच्या योजनेपूर्वी काही गोष्टी सुधारण्याची गरज असल्याचे संकेत शिक्षणमंत्र्यांनी दिलेत.

schools may start from this date read full story