मुंबईत आठवडाभरातील संपर्कांचा शोध; दररोज 14 ते 15 हजार अतिजोखमीच्या व्यक्तींची नोंद

मुंबई : मुंबईत कोरोना रुग्ण आढळल्यावर त्यांच्या कुटुंबियांनाच होम क्वारंटाईन करण्यात येत आहे. त्याच बरोबर आता सात ते आठ दिवसांचा संपर्क शोधण्यास काही विभागात महापालिकेने सुरुवात केली आहे.

मुंबईत कोरोनाचे थैमान थांबेना! गेल्या 24 तासात 2 हजारापेक्षा अधिक रुग्णांची भर; तर 44 जणांचा मृत्यू

सध्या मुंबईत दररोज 14 ते 15 हजार अतिजोखमीच्या व्यक्तींची नोंद केली जात असून नव्या पध्दतीमुळे ही संख्याही वाढण्याची शक्यता आहे. गेल्या आठ दिवसांत 1 लाख 28 हजाराहून अधिक अति जोखमीचे संपर्क शोधण्यात आले.
एका रुग्णामागे सरासरी 15 अतिजोखमीच्या व्यक्ती नोंदवल्या जात आहेत. या  व्यक्तींवरही महापालिका लक्ष ठेवत आहेत. यात प्रामुख्याने रुग्णाच्या घरातील आणि शेजारील व्यक्तीचा समावेश असतो. त्याच बरोबर संबंधित व्यक्ती आठवडा भरात ज्या व्यक्तींच्या संपर्कात आली आहे, त्यांचाही शोध घेण्याचा प्रयत्न पालिकेकडून केला जात आहे.

तीन बड्या अभिनेत्रींच्या एनसीबी चौकशीबाबत आज दिवसभरात काय घडलं; एनसीबीला त्यांनी काय उत्तरे दिली?

मागील आठ दिवसांत सुमारे 1 लाख 28 हजाराहून अधिक अतिजोखमीचे संपर्क शोधण्यात आले आहेत. तर 15 ते 24 सप्टेंबर या दहा दिवसाच्या काळात ही संख्या दीड लाखाच्यापुढे आहे.

मागिल आठ दिवसातील अतिजोखमीच्या व्यक्ती 
तारीख -     अतिजोखमीच्या व्यक्ती 
18  सप्टेंबर ------ 20,751

19सप्टेंबर ---- 17336

21 सप्टेंबर ----- 17890

22 सप्टेंबर ---- 13,966

23 सप्टेंबर ---10,938

24 सप्टेंबर --14,749

25 सप्टेंबर ---14,993 

---------------------------------------

( संपादन - तुषार सोनवणे )