MMRDA मेट्रो - 2 बी मार्गावर बांधणार संरक्षक भिंत; न्यायालयानं दिली परवानगी..

metro
metro

मुंबई :मुंबईत मेट्रो - 2  बी च्या तुर्भे व मंडाले या ठिकाणी प्रस्तावित बांधकामाचा काही भाग सीआरझेडमध्ये येत असल्याने 50 मीटरची संरक्षक भिंत बांधण्याची परवानगी न्यायालयालकडून देण्यात आली आहे.  मुंबई महानगर प्रदेश विकास प्राधिकरणातर्फे (एमएमआरडीए) डी.एन. नगर ते मंडालेदरम्यानच्या मेट्रो- 2 बी मार्गिकेवर गर्डरच्या कामालाही सुरुवात करण्यात आली आहे. 

डी.एन. नगर ते मंडालेदरम्यान 23.63 किमी उन्नत मार्गिका तयार होणार असून या संपूर्ण मार्गिकेदरम्यान एकूण 22 स्थानके असणार आहेत. 

 अंधेरी येथील सीआरझेड- 1 मध्ये येणारे स्वामी समर्थ नगर येथून मेट्रो - 6 च्या मार्गिकेचे काम सुरू करण्यास उच्च न्यायालयाने एमएमआरडीएला शुक्रवारी परवानगी दिल्यानंतर न्यायालयाने खारफुटी असलेल्या ठिकाणी बांधकाम करण्यास मनाई केली. तसेच विकासकामांसाठी खारफुटी तोडायची असल्यास उच्च न्यायालयाची परवानगी घेणे बंधनकारक करण्यात आले.

दरम्यान, 23.6 किलोमीटर लांबीचा मेट्रो मार्गिका 2 बी डी. एन. नगर, अंधेरी ते मंडाले या पूर्व उपनगरांना जोडते तर 14. 5 किलोमीटर लांबीची मेट्रो -6 मार्गिका स्वामी समर्थ नगर, अंधेरी ते विक्रोळी या दोन ठिकाणांना जोडते.  न्या. आर. डी. धानुका व न्या. माधव जामदार यांच्या खंडपीठाने एमएमआरडीएला मेट्रो 2 बी मार्गिकेवरील तुर्भे आणि मंडाले येथे 50 मीटर संरक्षक भिंत घालण्याची परवानगी दिली. 

दोन्ही प्रकल्प 310 कि.मी. लांबीच्या मेट्रो जाळ्याच्या दृष्टीने महत्त्वाचे असल्याचे म्हणत न्यायालयाने एमएमआरडीएला मेट्रो-6 व मेट्रो-2 बी मार्गिकवर बांधकाम करण्यास परवानगी दिली असल्याचे एमएमआरडीए  प्रवक्त्यांनी सांगितले.

security wall will build in metro 2 b project  

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com