डोंबिवलीत सिलेंडर स्फोटात ज्येष्ठ नागरिक जखमी | Sakal
sakal

बोलून बातमी शोधा

Senior citizen injured in cylinder explosion in Dombivali mumbai

डोंबिवलीत सिलेंडर स्फोटात ज्येष्ठ नागरिक जखमी

डोंबिवली - गॅस पेटवायला गेले आणि घरातील सिलिंडरचा स्फोट होऊन 65 वर्षीय हनुमंत मोरे हे गंभीर रित्या भाजल्याची घटना डोंबिवली पश्चिमेत घडली आहे. जखमी मोरे यांना उपचारासाठी मुंबईतील रुग्णालयात दाखल करण्यात आले आहे. याघटनेची नोंद विष्णूनगर पोलिस ठाण्यात करण्यात आली आहे. डोंबिवली पश्चिमेतील देवीचा पाडा परिसरातील काशिनाथ निवास चाळ नंबर 3 मध्ये हनुमंत मोरे राहतात. त्यांचा मुलगा श्रीनिवास हा देखील त्यांच्यासोबत रहावयास होता. मात्र दोन वर्षांपूर्वी तो अंधेरी येथे परिवारासह रहावयास गेला होता. मुलगी लहान असल्याने तिचा सांभाळ करावयास कोणी नसल्याने श्रीनिवास हा अंधेरी येथे पत्नीच्या घरी रहात आहे. त्यामुळे डोंबिवलीत वडील हनुमंत हे एकटेच घरी असायचे. रविवारी पहाटे चार च्या आसपास ते घरात एकटे असताना अचानक सिलिंडरचा स्फोट झाला.

सिलिंडर स्फोटामुळे घरातील सर्व सामान अस्ताव्यस्त झाले असून घराचे पत्रे देखील उडाले होते. त्या आवाजाने आजूबाजूचे नागरिक जागे झाले. त्यांनी त्वरीत 100 नंबरवर फोन करत घटनेची माहिती दिली विष्णूनगर पोलिसांना याची माहिती मिळताच पोलिस व अग्निशमन दलाचे अधिकारी घटनास्थळी दाखल झाले. तोपर्यंत सामाजिक कार्यकर्त्यांनी पोलिसांशी संपर्क साधत हनुमंत यांना लागलीच उपचारासाठी शास्त्रीनगर रुग्णालयात दाखल केले. हनुमंत यांच्या मुलाला देखील याची माहिती देण्यात आली असल्याचे शेजारी राहणारे निलेश चव्हाण यांनी सांगितले. श्रीनिवास यांनी त्यांच्या वडिलांना सध्या अंधेरी येथील रुग्णालयात उपचारासाठी सध्या हलविले आहे.

स्फोटामुळे हनुमंत यांच्या चेहरा, हाता, पायाला गंभीर जखमा झाल्या असून ते 33 टक्के भाजले असल्याची माहिती श्रीनिवास यांनी दिली. याप्रकरणी विष्णूनगर पोलिस ठाण्यात घटनेची नोंद करण्यात आली आहे. स्फोटाची माहिती मिळताच अग्निशमन दलाचे कर्मचारी घटनास्थळी दाखल झाले. तेथे पाहिले असता सिलेंडर शेगडीचे लॉक चालू असल्याचे निदर्शनास आले आहे. यामुळेच हा स्फोट झाल्याचा प्राथमिक अंदाज असल्याचे अग्निशमन विभागाचे अधिकारी मनोहर निकम यांनी सांगितले.

Web Title: Senior Citizen Injured In Cylinder Explosion In Dombivali Mumbai

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top