शहापूर : रस्त्यावरील खड्डे चुकवताना समोरील वाहनाने कट मारल्यामुळे भातसा नदीत चालकासह एक कार बुडाल्याची घटना आज तालुक्यातील सापगाव पुलावर घडली. काही स्थानिक तरुणांनी तातडीने भातसा नदीत उड्या मारून कारचालक विकास शिर्के याला नदीतून बाहेर काढले.
शहापूर ते सापगावदरम्यानच्या रस्त्यांवर मोठ्या प्रमाणात खड्डे असल्याने वाहनचालकांना मोठी कसरत करावी लागते. आज विकास शिर्के हे आपल्या कारमधून शेणवा येथून शहापूरकडे येत होते; तर दुसरी एक कार शेणव्याच्या दिशेने चालली होती. सापगाव पुलावर या दोन्ही गाड्या आल्या असता दुसऱ्या कारने खड्डे चुकविताना समोरून येणाऱ्या विकास यांच्या कारला जोरदार कट मारली. त्यामुळे विकास यांची कार पुलावरून थेट भातसा नदी पात्रात पडली. नदी काठी असलेल्या मंदिरातील तरुणांना हे दिसताच त्यांनी भातसा नदीत उडी मारून विकास यांना बाहेर काढले. त्यांच्यावर शहापूर उपजिल्हा रुग्णालयात प्राथमिक उपचार केल्यानंतर कल्याण येथील रुग्णालयात हलवण्यात आले आहे.
काही काळ पाण्यावर तरंगल्यानंतर कार मात्र भातसा नदीत बुडाली. याप्रकरणी शहापूर पोलिसांनी अपघाताचा गुन्हा दाखल केला असून आरोपी वाहनचालकाचा शोध सुरू आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
