मुंबईत शिवसेना नेत्यावर गोळीबार; रुग्णालयात दाखल

मुंबई : मुंबईतील विक्रोळी भागात शिवसेना नेत्यावर आज (गुरुवार) सकाळी गोळीबार झाल्याची घटना घडली आहे. या गोळीबारात ते जखमी झाले असून, त्यांना रुग्णालयात दाखल करण्यात आले आहे. 

ताज्या बातम्यांसाठी डाऊनलोड करा ई-सकाळचे ऍप

मिळालेल्या माहितीनुसार, शेखर जाधव असे या  शिवसेना नेत्याचे नाव असून, त्यांच्यावर गोळीबार करणाऱ्या व्यक्तीला अटक करण्यात आली आहे. सध्या त्यांच्यावर स्थानिक रुग्णालयात उपचार सुरु आहेत. विक्रोळी पूर्वेला असलेल्या टागोर नगर मधील साई मंदिर परिसरात आज सकाळी साडेसात ते आठ वाजताच्या सुमारास हा गोळीबार झाला. 

माझ्याविरोधात महाभियोग हा लोकशाही उद्‌ध्वस्त करण्याचा डाव : ट्रम्प 

शेखर जाधव यांच्या डाव्या खांद्यावर गोळी लागली असल्याची माहिती आहे. जाधव यांच्यावर 22 वर्षीय तरुणाने हल्ला केल्याची प्राथमिक माहिती आहे. गेल्या काही दिवसापासून शेखर जाधव यांना धमक्या येत असल्याची माहिती मिळत असून, पोलिस अधिक तपास करत आहेत. शेखर जाधव हे शिवसेना उपविभागप्रमुख म्हणून गेल्या काही वर्षांपासून कार्यरत आहेत.