Raj Thackeray: राज ठाकरेंच्या निवासस्थानाबाहेर शिवसेनेची पताका! ठाकरेंच्या दसरा मेळाव्याचा उत्साह

मुंबई : राज ठाकरेंच्या शिवतीर्थ या निवासस्थानी ठाकरेंच्या शिवसेनेची पताका लागल्यानं हा विषय आज चर्चेचा विषय ठरला. शिवाजी पार्कमध्ये उद्धव ठाकरेंचा दसरा मेळावा पार पडणार असल्यानं शिवाजी पार्कचा परिसर सध्या सजवण्यात आला आहे. (ShivSena Banner outside Raj Thackeray residence Sheevatirth at Shivaji Park area)

'शिवतीर्थ'वर सेनेची पताका

महाराष्ट्र नवनिर्माण सेनेचे प्रमुख राज ठाकरे यांचं नवीन निवासस्थान 'शिवतीर्थ' देखील शिवाजी पार्क परिसरातच आहे. त्यामुळं त्यांच्या घराबाहेर रस्त्याच्या कडेचा भाग ठाकरे गटानं शिवसेनेच्या पताका लावून सजवला आहे. या पताकांवर शिवसेनेचं चिन्ह मशाल आणि शिवसेना असं नाव आहे. (Latest Marathi News)

सुरक्षेसाठी बॅरिकेटिंग

या परिसरात सध्या दसरा मेळाव्यानिमित्त शिवसैनिकांची गर्दी होत असल्यानं राज ठाकरेंच्या शिवतीर्थ निवासस्थानाला पोलिसांनी सुरक्षेच्या कारणासाठी बॅरिकेटिंग केलं आहे. पण त्यांच्या घराच्या छतालाच चिकटून शिवसेनेची पताका लावल्यानं हा चर्चेचा विषय ठरला आहे. (Marathi Tajya Batmya)