'सकाळ इम्पॅक्ट'! पेण एआरटीओला गैरहजेरी भोवली; बेजबाबदारपणामुळे कारवाई होणार

'सकाळ इम्पॅक्ट'! पेण एआरटीओला गैरहजेरी भोवली; बेजबाबदारपणामुळे कारवाई होणार
Updated on


मुंबई : पेण येथील उपप्रादेशिक परिवहन अधिकारी कार्यालयातील एआरटीओ उर्मिला पवार लाॅकडाऊन काळात कर्तव्यावर गैरहजर होत्या. त्याची तक्रार शेकापचे आमदार भाई जयंत पाटील यांनी परिवहन मंत्र्यांकडे केली. त्यानंतर 'सकाळ'ने केलेल्या बातमीनंतर पनवेलच्या प्रभारी एआरटीओ हेमांगी पाटील यांनी पवार यांना कारणे दाखवा नोटीस बजावली आहे. 

कोरोनाच्या पार्श्वभुमीवर लाॅकडाऊन असल्याने, मार्च, एप्रिल या दोन महिन्यात एआरटीओ पवार पुण्याच्या कोथरूड येथील मुळ गावी मुक्कामी होत्या. यादरम्यान श्रमीकांची परराज्यात सोडणे, पायी चालणाऱ्यांचे नियोजन, मालवाहूक असे महत्वांचे राज्यभरात परिवहन विभागाचे काम सुरू होते. मात्र, पवार कर्तव्यावर गैरहजर असल्याने आमदारांनी ही तक्रार केली होती. 

कोरोनाच्या परिस्थितीत राज्यातील मालवाहतूक, आपात्कालीन सेवा, जीवनावश्यक वस्तू आणि वाहनांच्या कोणत्याही समस्या उद्भवून नये असे परिवह आयुक्तांचे आदेश होते. मात्र, पवार यांनी या आदेशांकडे दुर्लक्ष केले आहे. त्यामूळे पऩवेलच्या प्रभारी आरटीओ हेमांगी पाटील यांनी पवार यांना कारने दाखवा नोटीस बजावली असून, या प्रकरणात चौकशी केल्यानंतर परिवहन आयुक्तांना अहवाल पाठवण्यात येणार असल्याने, पवार यांना लाॅकडाऊन काळात कामावर गैरहजर राहण्याचे प्रकरण भोवणार असल्याचे दिसून येते.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com