चिंताजनक! : टीबी रुग्णालयातील सहा कर्मचारी क्वारंटाईन

मुंबई ः मुंबईत वेगाने फैलावणाऱ्या कोरोनाची आता रुग्णालयातील डॉक्टरांना बाधा होऊ लागली आहे. धक्कादायक बाब म्हणजे कोरोनाने आता मुंबईतील सर्वात मोठ्या टीबी रुग्णालयातही शिरकाव केला असून आतापर्यंत रुग्णालयातील ६ जणांना होम क्वारंटाईन करण्यात आले आहे. यामध्ये 2 डॉक्टर्स, 2 नर्स आणि 2 वॉर्डबॉयचा समावेश आहे.  

महत्वाची बातमी ः आश्चर्यजनक! मार्च महिन्यात मुंबईचा मृत्यूदर घसरला

3 एप्रिलला मुंब्रा येथील एक कोरोना पॉझिटिव्ह रुग्णाला शिवडी टीबी हॉस्पिटलमध्ये आणण्यात आले. टीबीची कोणतीही लक्षणं नसताना या रुग्णाला मुंब्रा येथून थेट शिवडीच्या टीबी रुग्णालयात पाठवण्यात आले होते. तपासणी केल्यानंतर ती व्यक्ती कोरोना पॉझिटिव्ह असल्याचे समोर आले. त्यानंतर त्या व्यक्तीला केईएम रुग्णालयात हलवण्यात आले. 5 एप्रिल रोजी तेथे उपचारादरम्यान रुग्णाचा मृत्यू झाला. त्यामुळे या व्यक्तीच्या संपर्कात टीबी रुग्णालयातील 2 डॉक्टर्स, 2 नर्स, 2 वॉर्डबॉय आल्याची माहिती शिवडीच्या टीबी हॉस्पिटलचे वैद्यकीय अधीक्षक डॉ. ललितकुमार आनंदे यांनी दिली. 

मोठी बातमी ः आता मुंबईच्या समुद्रातही आयसोलेशन सेंटर

त्यामुळे संपर्कात आलेल्या डॉक्टर, नर्स आणि कर्मचाऱ्यांना होम क्वारंटाईन करण्यात आलं असून सुदैवाने त्यांची चाचणी निगेटिव्ह आल्याचेही डॉ.आनंदे यांनी स्पष्ट केले आहे.  दरम्यान, कोरोना पॉझिटिव्ह रुग्णांकडून होणाऱ्या निष्काळजीपणामुळे अनेक डॉक्टरांनाही आपला जीव धोक्यात घालावा लागत आहे.