मुंबई : मुख्यमंत्री असताना देवेंद्र फडणविस यांनी उघड्या डोळ्याने एसटी महामंडळातील गैरव्यवहार बघितला, 2017 मध्ये वेतनवाढीसाठी संपानंतर मुख्यमंत्र्यांच्या अध्यक्षतेखाली कोणताही ठोस निर्णय होऊ शकला नाही. मात्र, आता एसटी कर्मचाऱ्यांना संपुर्ण वेतन देण्याचे पत्र देऊन सहानुभूती घेण्याचा केविलवाणा प्रयत्न विरोधी पक्षनेते देवेंद्र फडणविस करत असल्याचा आरोप एसटी कर्मचारी संघटनांनी केला आहे. 

ही बातमी वाचली का? तीन महिन्यानंतर प्रथमच मध्य रेल्वे घेणार मेगाब्लॉक; जाणून घ्या वेळापत्रक...

लॉकडाऊनमूळे एसटी महामंडळाचे दैनंदिन उत्पन्न बुडत असल्याने एसटीचे प्रचंड नुकसान होत आहे. परिणामी महामंडळाकडे आता वेतनासाठी सुद्धा पैसे नाही. त्यामूळे राज्य शासनाच्या सवलतीच्या प्रतिपुर्तीच्या रकमेतूनच कामगारांच्या वेतन द्यावे लागते आहे. अशा परिस्थितीत महामंडळाने एसटी कामगारांना मे महिन्याचे वेतन 50 टक्केच देण्याचा निर्णय घेतला आहे. त्यामूळे एसटी कामगार संघटना आधिच संतापल्या आहे. 

ही बातमी वाचली का? पेणकरांची चिंता वाढली! तालुक्यात एकाच दिवशी आढळले 16 नवे कोरोनाबाधित

त्यानंतर यामध्ये विरोधी पक्षनेते देवेंद्र फडणविस यांनी उडी घेतली असून, फडणविस यांनी परिवहन मंत्री ऍड. अनिल परब यांना पत्र लिहून संपुर्ण वेतन देण्याची मागणी केली आहे. मात्र, फडणविसांची ही मागणी फक्त राजकारणापुरती असल्याचा आरोप एसटी कर्मचारी संघंटनांनी केला असून, फडणविस यांच्या विरोधात सुद्धा एसटी कर्मचारी संघंटनांमध्ये संताप व्यक्त केला जात आहे. 

ही बातमी वाचली का? येमेन, सौदी युद्धातील सैनिक मुंबईत येऊन घायाळ; दोघांना पुण्यातून अटक

एसटी कर्मचाऱ्यांना पूर्ण वेतन मिळालेच पहिजे. ही आमची मागणी आहें. देवेंद्र फडणवीस यांचे पत्र राजकिय आहें. 
- श्रीरंग बरगे, सरचिटणीस, महाराष्ट्र एसटी कर्मचारी कॉंग्रेस. 

ऑक्‍टोबर 2017 रोजी झालेल्या एसटी कर्मचाऱ्यांचे वेतनवाढीकरीता झालेल्या संपाच्या अनुषंगाने तत्कालीन मुख्यमंत्री यांच्या अध्यक्षतेखाली परिवहन मंत्री, अधिकारी यांच्या समवेत16 डिसेंबर रोजी झालेल्या बैठकीत कोणताही वेतनवाढीचा ठोस निर्णय घेतला नाही. आता मात्र पत्र देऊन पुतना मावशीचे प्रेम, सहानुभूती घेण्याचा केविलवाणा प्रयत्न केला जात आहे. 
- मुकेश तिगोटे, सरचिटणीस, महाराष्ट्र एसटी वर्कर्स कॉंग्रेस (इंटक).

कोट एसटी कामगारांना 100 टक्के वेतन मिळावे ही कामगार सेनेची भुमिका आहे. देवेंद्र फडणविस यांनी विरोधाला विरोधाचे राजकारण न करता केंद्र शासनाकडे पाठपुरावा करुन कोरोना महामारीमुळे आर्थिक संकटात सापडलेल्या एसटी महामंडळाला विषेश आर्थिक पॅकेज मिळवुन द्यावे. जेणेकरून मे महिन्यासह त्यापुढील सहा महिन्याचे 100 टक्के वेतन एसटी महामंडळाला देता येईल. 
- हिरेन रेडकर, सरचिटणीस, महाराष्ट्र एसटी कामगार सेना. 
 

पगार 100 टक्के मिळायलाच हवा या बाबत परिवहन मंत्र्यांना आमच्या शिष्टमंडळाने भेटून निवेदन दिलेले आहे व तीन जुलैला या बाबत राज्यभर आंदोलनही करत आहोत.  तत्कालीन मुख्यमंत्री देवेंद्र फडणवीस यांनी सातवा वेतन आयोग लागू करण्याचे आश्वासन दिले होते. ते पाळले असते तर किमान आज राज्यसरकारी कामगारांप्रमाने आमचे पगार असते. आणि कोरोनाशी आम्हाला उपाशी पोटी लढावे लागले नसते.
- संदीप शिंदे, अद्यक्ष, राज्य एसटी कामगार संघटना