सरकारच्या नाकर्तेपणामुळेच संप

ठाणे : वेतनवाढीसह विविध प्रलंबित मागण्यांसाठी बॅंक कर्मचाऱ्यांनी दोन दिवसीय संप पुकारल्याने नोकरदार आणि व्यावसायिकांसमोर आर्थिक पेच निर्माण झाला आहे. या देशव्यापी संपामुळे शुक्रवारी आणि शनिवारी बॅंकांचे कामकाज ठप्प झाल्याने जनता त्रस्त झाली आहे.

धक्कादायक 'या' सुपच्या सेवनामुळे कोरोना पसरला जगभरात, व्हिडीओ पाहाल तर अंगावर काटा येईल

मूठभर भांडवलदारांसाठी काम करणाऱ्या केंद्र सरकारचा नाकर्तेपणा याला जबाबदार असल्याचा आरोप बॅंक कर्मचारी संघटनेचे विश्‍वास उटगी यांनी केला आहे. या आंदोलनानंतरही सरकारला जाग आली नाही तर येत्या मार्च महिन्यात तीन संप पुकारण्यात येणार असून त्यानंतर 1 एप्रिलपासून बेमुदत संपाचा इशारा बॅंक कर्मचारी संघटनांनी दिल्याचा दावा उटगी यांनी केला आहे. 

मोठी बातमी कोरोना व्हायरसमुळे बिअरप्रेमी बुचकळ्यात, नेटकऱ्यांचं झालं मेजर कन्फ्युजन..

नऊ बॅंक कर्मचारी संघटनांची शिखर संघटना असलेल्या "युनायटेड फोरम ऑफ बॅंक एम्प्लॉइज युनियन'कडून संपाची हाक देण्यात आली आहे. देशातील राष्ट्रीयीकृत 27 बॅंका, सरकार पुरस्कृत 56 प्रादेशिक बॅंकांसह जुन्या 18 खासगी बॅंकांचे तब्बल 10 लाख कर्मचारी या संपात सहभागी झाले आहेत. वेतन पुनर्रचना, समान काम समान वेतन, पेन्शन आढावा, रिक्त जागांची भरती आदी मागण्यांसाठी हा संप पुकारला आहे. संपाच्या काळात बॅंकांचे कामकाज ठप्प झाल्याने यामुळे आर्थिक पेच निर्माण झाला आहे. 

महत्वाची बातमी CAA विरोधातील रॅलीत सहभागी होण्यासाठी आलेल्या डॉक्टरला अटक

संप दोन दिवसांचा असला तरी याची व्याप्ती 72 तास असेल, असा दावा करून उटगी यांनी केंद्र सरकारच्या धोरणावर कडाडून टीका केली. मूठभर भांडवलदारांसाठी असलेल्या या सरकारने वाटाघाटीसाठी कुठलेही प्रयत्न केलेले नाहीत. गेल्या सहा वर्षांत सरकारचे नेतृत्व कुणाशीही बोलत नसल्याने हे विसंवादी सरकार आहे. या सरकारच्या नाकर्तेपणामुळेच संपाची वेळ बॅंक कर्मचाऱ्यांवर ओढावल्याचा आरोप उटगी यांनी केला. 

हे सुद्धा वाचा भाजपाला मोठं खिंडार पाडण्यासाठी शिवसेना आणि राष्ट्रवादीचा मेगाप्लान..

पैशांची चणचण
31 जानेवारी व एक फेब्रुवारी रोजी बॅंका बंद राहणार असून रविवारी सुट्टी असल्याने संपाची झळ सर्वसामान्यांसह सर्वच नोकरदार आणि व्यावसायिकांना बसणार आहे. 72 तास धनादेश "क्‍लिअर' होणार नसल्याने अनेकांचे पगारदेखील उशिरा मिळण्याची शक्‍यता आहे. बॅंका बंद असल्याने "एटीएम'मधील रोकड संपून पैशांची चणचण भासण्याची शक्‍यता वर्तवली जात आहे.

Strike because of government negligence