ठाणे : जिल्ह्यात दिवसागणिक कोरोनाबाधित रुग्णांच्या संख्येत कमालीची वाढ होत आहे. त्यात शुक्रवारी जिल्ह्यात दिवसभरात बाधित रुग्णांची संख्या 2027 तर 46 जणांच्या मृत्यूची नोंद करण्यात आली. त्यामुळे जिल्ह्यातील बाधितांची संख्या 38 हजार 594 तर मृतांची संख्या 1176 झाली आहे. या वाढत्या बाधितांच्या संख्येसह वाढत्या मृतांमुळे जिल्हा प्रशासनासह आरोग्य विभागावरील ताण वाढत आहे.
शुक्रवारी कल्याण-डोंबिवली महानगरपालिका क्षेत्रात सर्वाधिक 564 रुग्णांसह तिघांच्या मृत्यूची नोंद करण्यात आली आहे. त्यामुळे बाधितांची संख्या 8049 तर मृतांची संख्या 130 इतकी झाली आहे. ठाणे महानगरपालिका हद्दीत 420 बाधितांची तर 17 जणांच्या मृत्यूची नोंद झाल्यामुळे बाधितांची संख्या 9950 तर, मृतांची संख्या 369 वर गेली आहे. नवी मुंबई महापालिकेत 257 रुग्णांची तर आठ जणांच्या मृत्यूची नोंद करण्यात आली. त्यामुळे बाधितांची संख्या 7602 तर मृतांची संख्या 232 वर पोहोचला आहे..
भिवंडी महापालिका क्षेत्रात 62 बाधितांसह 4 जणांच्या मृत्यूची नोंद करण्यात आली. त्यामुळे बाधितांची संख्या 2 हजार 173 तर मृतांची संख्या 118 वर पोहोचली. त्यात मिरा भाईंदरमध्ये 276 रुग्णांची तर तिघांच्या मृत्यूची नोंद करण्यात आल्याने बाधितांची संख्या 3885 तर मृतांची संख्या 152 इतकी झाली आहे. उल्हासनगर 191 रुग्णांची तर दोघांच्या मृत्यूची नोंद करण्यात आल्याने बाधितांची संख्या 2347 तर मृतांची संख्या 49 झाली आहे.
अंबरनाथमध्ये 101 रुग्णांची तर पाच जणांच्या मृत्यूची नोंद केल्याने बाधितांची संख्या 2032 तर मृतांची संख्या 57 झाली आहे. बदलापूरमध्ये 48 रुग्णांची नोंद करण्यात आल्याने बाधितांची संख्या 906 झाली आहे. ठाणे ग्रामीण भागात 108 रुग्णांची तर चौघांच्या मृत्यूची नोंद करण्यात आल्याने बाधितांची संख्या 1907 तर मृतांची संख्या 54 वर गेली आहे.
महापालिका क्षेत्र | रुग्णसंख्या | मृत |
ठाणे | 420 | 17 |
कल्याण-डोंबिवली | 564 | 03 |
नवी मुंबई | 257 | 08 |
मिरा-भाईंदर | 276 | 03 |
भिवंडी | 62 | 04 |
उल्हासनगर | 191 | 02 |
अंबरनाथ | 101 | 05 |
बदलापूर | 48 | 00 |
ठाणे ग्रामीण | 108 | 04 |
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.