ठाणे : पिंपळेंसह अंगरक्षकाला प्रत्येकी पाच लाख

ठाणे : महापालिका क्षेत्रातील माजिवडा-मानपाडा प्रभाग समिती कार्यक्षेत्रातील अनधिकृत फेरीवाल्यांवर कारवाईदरम्यान झालेल्या हल्ल्यात सहायक आयुक्त कल्पिता पिंपळे आणि त्यांचा अंगरक्षक सोमनाथ पालवे जखमी झाले होते.

यामध्ये पिंपळे यांच्या हाताची दोन बोटे, तर अंगरक्षकाचेही एक बोट तुटले होते. विशेष बाब म्हणून त्यांना अर्थसाह्य करण्यात येणार होते. त्यानुसार त्यांना मुख्यमंत्री सहाय्यता निधीमधून प्रत्येकी पाच लाखांचे अर्थसाह्य जाहीर झाले आहे. त्याबाबतचे पत्र मुख्यमंत्री कार्यालयातून ठाणे जिल्हाधिकाऱ्यांना प्राप्त झाले आहे.